Merkezê Îrtîbatî û Çapemenîye yê HPGyî bîlançoya menga tebaxe eşkera kerde. Eşkerayîye wina ya:

''Gerîlayanê Azadîye yê Kurdîstanî rêçê Fermandar Egîdî (Mahsum Korkmaz) de 40 serrî temam kerdî û ê dekewtî serra 41ine ya têkoşînî. No bi xo yew serkewtiş o ke nê 40 serrî yo, gerîlayî şarê xo pawenê, têkoşînê çekdarî kenê, vera pêro hêrişan û planan payan ser de vindenê û hêvîya şarê kurdî gandar verdanê. Gerîlayê Azadîye yê Kurdîstanî bi nê hawayî hinî teyna seba şarê kurdî ney seba pêro şaranê bindestan bîyê çimeyê îlhamî.

Gerîlayan serra 41ine ya Roşanê Gandarbîyayîşî yê 15ê Tebaxe bi heybetî pêşwazî kerde. Gerîlayanê ma tebaxe de zî Vakurê Kurdîstanî ra heta Herêmanê Pawitişî yê Medya xoverdayîşê xo rê bêmabên dewam kerd. Xoverdayîşê Koyê Agirî yê Fermandare Berware Dêrsim-Seyrane Çomak eşkera kerd ke cinîyê kurdî bîyê Zîlane, Egîd û Bêrîtane ke mexlûb nêbenê. Embazanê ma Eylem Stêrk – Meryeme Onur, Sozdare Evîn – Betule Aydin û Armance Devrîm – Hacere Tekîn Elkê û KatobMarînos de bê teslîmîyetî xo ver da û raştîye ancî eşkera kerde. Nê embazê ma yê şehîdê tebaxe qehremanî, embazî, ruh û tewirê YJA-Starî zî eşkera kenê. Ancî şehîdanê ma yê tebaxe yê sey Alan Milazgîr, Orhan Cihat Bingol, Rosîda Mêrdîn, Sara Tolhildan, Sema Cuya Çewlîk, Tîjda Jiyan  zî sey fermandaranê Egîdwarîyan nameyê xo tarîxê têkoşînî ser de nuştî. Ma nê embazanê xo yê şehîdan bi rêz û minetî yad kenê, ma soz danê ke rayîrê şehîdan teqîb bikerê û qetî armancanê şehîdanê xo ser bivisnê.

Artêşa tirke ya îşxalkere operasyonanê bêsînoran ê vera Vakurê Kurdîstanî reyde Herêmê Pawitişî yê Medya zî 90 reyî bi teqaberanê qedexeyan dayî bombayan ver û sûcê şerî kerdî. Hêzanê ma vera nê hêrişanê bi teknîkî yê artêşa îşxalkere bi ruhê fedayî yê Apogîrî û taktîkanê gerîlayan cewab da û xeylêk çalakîyî kerdî.

Gerîlayanê Azadîye yê Kurdîstanî tebaxe de performansê şerî yo girîng mojna, hewa û erdî ra çalakîyê bitesîrî kerdî û derbê giranî dayî artêşa îşxalkere ro. Tebaxe de Yewinanê ma Şehîd Dogan Zinar û Şehîde Axîne Mûş 19 çalakîyê hewayî kerdî. Ancî gerîlayanê ma 133 çalakîyê erdî kerdî. Bi temamî tebaxe de 152 çalakîyî ameyî kerdene. Artêşa tirke ya îşxalkere netîceyê nê çalakîyanê ma û kişteyê xo nimitî. Hêzanê ma tebaxe de 3yê ci payeberzî bi temamî 56 îşxalkerî ceza kerdî û 43 îşxalkerî zî birîndar kerdî.

Bîlançoya şerî

Hêrişê artêşa tirke ya îşxalkere

Hêrişê bi teyarayanê şerî: 350

Hêrişê bi helîkopteran: 33

Hêrişê bi teqaberanê qedexeyan: 90

 

Embazê ma yê şehîdî

4 embazê ma şehîd bîyî

 

Çalakîyê gerîlayan

Çalakîyê hewayî: 19

Çalakîyê serê erdî: 133

Çalakîyê pêroyî: 152

 

Kişteyê dişmenî

Îşxalkerê ke ameyê cezakerdene: 3yê ci payeberzî 53 îşxalkerî 

Îşxalkerê ke birîndar bîyê: 43

 

Çek û malzemeyê ke ameyê îmhakerdene

Wesayîtê leşkerîyî: 1

Cebilxane: 1

Dron: 4

Kamerayê mobese: 19

Mewzî: 5

Xeymî: 8

Projektor: 5

Fotokapan: 1

 

Çek û malzemeyê ke ameyê derbkerdene

Wesayîrê zirxînî: 3

Kepçe: 4

Sîstemê Pawitişê Hewayî: 1

Konteynir: 1

Xeymî: 4

Kamerayê mobese: 1

Dedektor: 1

Mewzî: 18

 

Malzeme û çekê ke dest nîyayo ser

Teqaber: 1

Drono teqaber: 1''