Merkezê Çapemenî û Îrtîbatî yê HPGyî (HPG-BÎM) da zanayene ke hêzanê gerîla qezaya Şemzînan a Colemêrgî de hemverê mewzîyanê eskerîyan de di çalakîyê cîyayî viraştî, Çelê de zî suyîqest ame kerdene.

ŞEMZÎNAN DE DI QOLAN RA ÇALAKÎ : 2 MERDEYÎ

Detayê çalakîya Şemzînanî wina ameyî dayene : “Roja 24ê Teşrîna verêne saet 14.30 de hêzanê ma hemverê artêşa dewleta tirkî ya îşxalkara ke Qilê Pêşmerge yê wareyê Govendê ya pabesteyê qezaya Şemzînan ê Colemêrgî de çalakîyêk viraşte. Çalakî de mewzîyê leşkeranê dişmenan di qolan ra bi hawayêkê ameyî pirodayene û 2 leşkerê dişmenî ameyî kiştene.

Hêzanê ma heman roje dorê saeta 15.00 de çalakîyêka dîyine ke ancî heman qilî xo rê hedef girewte viraşte. Na çalakîya ke mewzîyê dişmenî gîrîyayî binê gulevaranêkê giranî de hûmara kişte û birîndaran nêamî tesbîtkerdene.“

ÇELÊ DE SUYÎQEST: 1 MERDE

Derheqê çalakîya suyîqestî ke heman roje de Çelê de amî viraştene zî nê detayî ameyî parekerdene. „Roja 24ê Teşrîna verêne saet 13.00 de hêzanê ma hemverê leşkeranê dişmenî yê ke Qereqaola Şikêrî ya qezaya Çelê ya Colemêrgî de bîyî çalakîyêka suyîqestî viraşte. Netîceyê na çalakî de 1 leşker ame kiştene.“

BAŞÛRÊ KURDÎSTANÎ DE HÊRIŞÊ HAWAYÎ

HPGyî derheqê hêrişanê artêşa tirkî de zî hayîdarîyî pare kerdî:

„Arteşa tirkî ya îşxalkarê 25ê Teşrîna verêne de Başûrê Kurdîstanî ser o hêrişo hawayî kerd. Teyaranê şerrî yê arteşa tirkî dormeyê dewanê Lêlîkan û Benasenanî bombardûman kerdî. Hêrişî de vindîbîyayê ma çîn o. Tena hêgayanê şarî zirar dîyê.

ELKÊ DE OPERASYON

Qezaya Elkê ya Şirnexî de zî 19ê Teşrîna verêne de artêşa tirkî operasyonêk da destpêkerdene. Operasyono ke herêma Penga Xana, Kanî Şkêre û Worgundika de ame viraştene eynî roje destveng pey ser ame antene. Îşxalkaran şarê herême rê zext kerdo.“