Merkezê Îrtîbatî û Çapemenîye yê HPGyî Tîrêj Germavo ke 29ê teşrîna peyêne ya 2016 de şehîd bibi bi rêzdarî yad kerd. Eşkerayîya HPGyî ya serê şehadetî wina ya:

''Ma eşkerayîya xo ya 7ê kanûna 2016î de pare kerdbi ke 29ê teşrîna peyêne ya 2016î de herêma Omerya ya Mêrdînî de şer de embazê ma Tîrêj şehîd bîyo. Agahîyê serê nasnameyê embazê ma Tîrêj Germavî eşkera bîyî. Ma embaz Tîrêj Germavî bi rêzdarî yad kenê, keyeyê ci yê ercîyayeyî û pêro şarê Kurdîstanî rê serweşîye wazenê.

Agahîyê nasnameyê embazê ma yê şehîdî wina yê:

Embazê ma Tîrêj Elkê de dadîya xo ra beno. Embaz Tîrêj herêma tewr rinde ya Kurdîstanî Botan de têgêrayîşê azadîye şinasneno. Embaz Tîrêj dima ke zanîngeh de wendo, wextêk xebitîyeno la cigêrayîşanê xo yê fikrîyan ser o 2013 de tewrê gerîlayan beno. Embaz Tîrêj cade adapteyê cuya gerîlayan beno û xo de vurîyayîşanê pîlan ano ca. Embaz Tîrêj 2016 de waştişê xo ser o derbazê Mêrdînî beno û pê kesayet, fedakarî û milîtanîya xo mazharê heskerdiş û hûrmetê embazanê xo beno. Embaz Tîrêjî ra dima merdimê ci zî rêçê ey ser de tewrê gerîlayan benê.

Embaz Tîrêj gerîla û fermandarêko marîfetîn bi ke verê ci akerde bibi. Rixmo ke o Vakurê Kurdîstanî de şehîd bi û xayelê ci nimcet mendî, embazê ci yê têkoşînî do alaya ci bigêrê û rayraşîyayîşê xo yê Rayberîya Azade û Kurdîstanê Azadî bi serkewtişî tacîdar bikerê û armancanê şehîdan bîyarê ca.''