Merkezê Îrtîbatî û Çapemenîye yê HPGyî nasnameyê di şehîdanê ke Metîna de şehîd bîyî eşkera kerdî.

Eşkerayîye wina ya:

''19ê gulane de yewinêka artêşa tirke ya îşxalkere serê Kanî Masî ra têgêraye û waşt warê Girê Ortê yê Metîna de xebata defikronayîşî bikera. Hêzanê ma cade mudaxeleyê na yewine kerd. Nê mudaxeleyî ra dima bombarduman û temasî de fermandarê ma yê qehremanî  Mîrza û Andok şehîd bîyî. Na yewine zî 20ê gulane de Girê Ortê de gêrîyaye binê kontrolê hêzanê ma û bi taktîkê sabotajî ameye pirodayene. Çalakîye de 3 îşxalkerî ameyî cezakerdene û 1 îşxalker zî birîndar bi. Hêzanê ma dima Skorskyê ke waştêne kişteyan bigêrê, înan rê mudaxele kerd. Netîceya mudaxeleyê hêzanê ma de skorskyî warî ra remayî.

23ê gulane de qezaya Amedîya ya Dihokî de qereqolê îşxalkeran ê Kanî Masî hetê hêzanê ma ra pê çekanê giranan ame pirodayene. Netîceya na çalakîye de hedefî bi hawayêkê serkewteyî ameyî pirodayene. Nê wird çalakîyî seba qesasê fermandaranê ma yê bêmergan Mîrza û Andokî ameyî kerdene.

Nasnameyê embazanê ma yê şehîdan wina yê:

Hemrayê ma Mîrza qezaya Licê ya Amedî de ameyo dinya û keyeyêkê welatperwerî de  bîyo pîl. Hema qijtîya xo de hêrişê dewlete yê vera kurdan rê şahîdîye kerde û rîyê dewleta tirke yo raşt dîyo. Bado ke semedê wendişê unîversîte şîyo Amed qerar girewto ke sey ciwanêkê kurdî berpirsîyarîya xo bîyaro ca û tewrê xebatanê ciwananê şorişgêran bîyo. 3 serrî nê xabetan de ca girewt û bitaybetî zî xebatanê xopawitişî de rolo aktîf kay kerdo.  2009 de verê xo dayo koyanê azadan û tewrê refanê gerîlayan bîyo. Bado ke serrêke Garê de mend tewrê perwerdeyê şerwananê neweyan bi tîya perwerde  dyo. 2 serrî Metîna de mend, 2012 de akedemî de derheqê taktîkê dewrê neweyî de xo aver berdo û verê xo dayo Eyaletê Mêrdînî. Tîya 3 serrî xeylêk xebatan de ca girewto û wezîfeyê xo bi serewktişî ardê ca. 2014 de ravêrto warê Botanî, sere de Besta xeylêk waran de falîyet rayra berdo. Wextê xoverdayîşê xo îdarekerdişî de semedê averberdişê xoverdayîşê Şirnexî kede daye. Botan de sey fermandarî xeylêk çalakîyan de ca girewto.  2017 de sey fermadanê herême agêrayo Mêrdîn. 2018 de verê xo dayo Herêmanê Pawitişî yê Medya û tîya wextêk tecrubeyê xo ser fikirya û sey fermadarê herême Basya Avaşîn de wezîfe girewto. 2021 de şerê şerê Avaşînî de rolo pîl kay kerdo û sey fermandarê herême ravêrto Metîna û heta şehadatê xo wezîfeyê xo bi serewktişî ardê ca.

Hemrayê ma Andok Amed de ameyo dinya û bi kulturê welatperwerîye bîyo pîl.  Ey wextêk xebatanê ciwanan de ca girewto û dima zî tewrê Şorişê Rojawanî bîyo. 2016 de zî embaz Andok tewrê gerîlayan bîyo. Embaz Andokî verî Akademîya Mazlûm Doganî de perwerdeyo îdeolojîk dîyo û dima sey fermandarêkî derbazê herêma Metîna bîyo. Embaz Andokî Metîna de vera dişmenî serkêşîya xeylêk çalakîyan ê serkewteyan kerda. Embaz Andokî tim tecrubeyê xo embazanê xo de zî pare kerdî û heta hela peyêna qerardar heme wezîfeyê xo bi serkewtişî ardê ca.

Embazanê ma pê xîret û qerardarîya xo ya têkoşînî sey milîtananê mîsalan tarîxê ma yê azadîye de ca girewt. Ma sere de keyeyanê ercîyayeyan ê embazanê xo rê pêro şarê welatperwerî yê Kurdîstanî rê serweşîye wazenê.''