Merkezê Îrtîbatî û Çapemenîye yê HPGyî bi eşkerayîyêke şehîdê Amedî yad kerdî.

Eşkerayîya HPGyî wina ya:

''3ê teşrîna verêne ya 2020î de artêşa TCyî ya îşxalkere mintiqaya Horselê ya warê Serxwebûnî ya Amedî ser o bi giranî bombayî varnayî û 4 teşrîna verêne de zî helîkpterî ra leşkerî ardî wa û operasyonêk da destpêkerdene. Netîceya nê operasyonî de artêşa îşxalkere 4ê teşrîna verêne de herême ra xo apey girewt. Embazê ma Amara û Doga netîceya bombarduman û şerî de şehîd bîyî. Zanayîşê derheqê nasnameyanê embazanê ma de wina yê:

Embaza ma Amara qezaya Misircê ya  Sêrtî de dadîya xo ra bîya û serra 2003î de tewra gerîlayan bîye. Embaze Amara roja destpêke ra dima tim xo aver berd û mîsyonê tewirê fedayîtîye girewt xo ser. Embaza ma Amara xeylêk waran de têkoşîn kerd û tewr peyêne Eyaletê Amedî de sey fermandare mesuldarîya xo arde ca. Embaze Amara pê kesayetê xo yê fedakar û zerrînizmî teqdîrê embazanê xo heq kerd û bîye fermandara raybere. Tewirê ci yo fedayîtîye, qerardarîya ci ya têkoşînî û xeta ci ya têkoşînê cinîyan do tim bibê rayberê ma.

Embaza ma Doga Amed de dadîya xo ra bîya û vera polîtîkaya qirkerdişê kurdan a dewleta tirke tewra gerîlayan bîye. Embaze Doga pê hêrs û xîretî pê xoverdayîşî cewab da hêrişanê dişmenî. Embaza ma Doga pê îradeyê xo yê xurtî, kulturê Apogîrîye û çêrîya xo ya vera dewleta tirke ya qirkere karwanê şehîdanê Têkoşînê Azadîye yê Kurdîstanî de cayê xo girewt.

Sere de keyeyanê ercîyayeyan ê embazanê ma yê şehîdan rê ma pêro şarê Kurdîstanî rê serweşîye wazenê. Ma soz danê ke ma do têkoşînê înan biresnê serkewtişî.''