Merkezê Îrtîbatî û Çapemenîye yê HPGyî 4 gerîlayê ke Avaşîn de şehîd bîyî yad kerdî. Eşkerayîya HPGyî wina ya:

''8ê teşrîna verêne ya 2021î de waranê Dola Konferansî û Tabûra Ereban de hêrişanê hewayî de milîtananê rayberan ê Xoverdayîşî Avaşînî ra embazî Avesta, Berxwedan, Adîfe û Cesur şehîd bîyî. Çar embazanê ma zî afernayîşê metodê şerî de bi Gerîlatîya Dewrê Neweyî de rolê rayberîye ard ca û derbê giranî dayî dişmenî ro. Embazê ma yê çêrî pê şerwanîya xo hertim embazanê ma rê rayberîye bikerê û şehadetê înan do bibo sebebê qesasî.

Nasnameyê embazanê ma yê şehîdan wina yê:

Nameyê Qodî: Avesta Cûdî Name-Peyname: Esra Toglik Cayê Bîyayîşî: Şirnex Maye-Pî: Fatîme-Mehmet Tarîx û Cayê Şehadetî: 8ê Teşrîna Peyêne ya 2021î / Avaşîn

Nameyê Qodî: Adîfe Kanîreş Name-Peyname: Dîlane Harmanci Cayê Bîyayîşî: Çewlîg Maye-Pî: Makbûle-Hasan Tarîx û Cayê Şehadetî: 8ê Teşrîna Peyêne ya 2021î / Avaşîn

Nameyê Qodî: Berxwedan Zagros Name-Peyname: Metîn Ozturk Cayê Bîyayîşî: Riha Maye-Pî: Sidika-Emîn Tarîx û Cayê Şehadetî: 8ê Teşrîna Peyêne ya 2021î / Avaşîn

Nameyê Qodî: Cesûr Axîn Name-Peyname: Xebat Bozan Cayê Bîyayîşî: Kobanê Maye-Pî: Zehra-Mûhammed Tarîx û Cayê Şehadetî: 8ê Teşrîna Peyêne ya 2021î / Avaşîn

Embaze Avesta Şirnex de dadîya xo ra bîya û  2014 de Botan de tewra gerîlayan bîye. Embaze Avesta tim xîret kerd ke biba milîtanêka serkewte ya PAJKî. Aye çalakîyanê Avaşînî de derbê giranî dayî dişmenî ro û taktîkê dewrê neweyî yê gerîlayan ardî ca. Aye herêma Avaşînî de bi raştî fermandarîya YJA-Starî temsîl kerde û kedêka bêhempa mojnaye. Embaze Avesta embazanê xo rê têkoşînî rê mîrasê xeta têkoşînî verda. Xeta aye do tim vernîya ma roşnî bikera.

Embaze Adîfe Çewlîg de dadîya xo ra bîya. Aye wextêk xebatanê ciwanan de ca girewt û dima zî xeyalê xo ard ca bîye gerîla.  Embaze Adîfe pê kesayetê xo wextêkê kilmî de bîye gerîlayêka marîfetîne. Adîfe bi serran Zagrosan de têkoşîn kerd û destpêkerdişê hêrişanê 23ê nîsane ra dima zî sey fermandarêke bêmabên têkoşîn kerd. Embaze Adîfe rayberîya xeylêk çalakîyanê serkewteyan kerde. Aye pa embazanê xo verê operasyonê îşxalî yê dişmenî de bendêk na ro, planê dişmenî pûç kerdî. A do tim pê tewirê xo yê milîtanîye rayîrê ma roşnî bikera.

Embaz Berxwedan Riha de dadîya xo ra bîyo. Keyeyî dima tedaya dewlete ra koçê Dîlokî kerd û embaz Berxwedan uca de bi pîl. Ey verî xebatanê ciwanan de ca girewt la dima kewt destê dişmenî. Embaz Berxwedan 4 serrî zîndan de mend û dima ke zîndanî ra vejîya rîyê xo da koyanê Kurdîstanî. Embaz Berxwedan cade cuya gerîlate musa. Ey 2017 ra nata Avaşîn de gerîlatîye kerdêne û hînî Avaşînî de bibi yew. Prosesê hêrişanê kîmyewîyan ê dişmenî de ey taktîkê şerê tunelan û gerîlatîya dewrê neweyî ardî ca û rayberîya xeylêk çalakîyanê serkewteyan kerde.

Embaz Cesur Kobanê de dadîya xo ra bîyo. Embaz Cesur Şorişê Rojawanî ra dima pê tesîrê felsefeya Rayberîye 2017 de tewrê gerîlayan bi. Ey perwerde ra dima Avaşîn de wezîfe girewt û bi gerîlayêko marîfetîn ê Zagrosan. Embaz Cesûrî vera hêrişanê dişmenî tim rolêko aktîf ard ca û xeylêk çalakîyan de ca girewt. Ey waşt ke xoverdayîşê embazanê xo biresno serfîrazîye coka fedakarîyêka pîle mojnaye. Embaz Cesurî heta şehadetê xo zî na fedakarîye ra qet yew tawîz nêda.

Xoverdayoxanê Avaşînî pê xoverdayîşê xo Têkoşînê Azadîye ya Kurdîstanî de rîpelêko newe akerd û hewn û xeyalê dişmenî çin kerdî. Sere de keyeyanê ercîyayeyan ê embazanê xo rê, ma pêro şarê welatperwerî yê Kurdîstanî rê serweşîye wazenê.''