Merkezê Îrtîbatî û Çapemenîye yê HPGyî bi eşkerayîyêka nuştekîye nasnameyê 2 gerîlayanê YJA-Starî û HPGyî yê ke menga hezîrane de Bedlîs de şehîd bîyî eşkera  kerdî.

Eşkerayîye nê ameyî parekerdene:

''Ma eşkerayîya xo ya 14ê hezîrane de dabi eşnawitene ke 2ê hezîrane de herêma Şehîde Mizgîne ya Bedlîsî de mabênê hêzanê ma îşxalkeran de pêkewtişî vejîyayî û 3ê hezîrane de artêşa tirke operasyon dayo destpêkerdene ke heta 7ê menge dewam kerd. Pêkewtişanê nê operasyonî de  hemrayê ma Zinar û Nuda ke vera îşxalkeran bi hewayêkê qehremankî şer kerd, tewrê kerwanê şehîdan bîyî.

Zanayîşê derheqê nasnameyê embazanê ma de wina yê:

Nameyê Qodî: Zinar Amanos Name û Peyname: Lokman Erbek Cayê Bîyayîşî: Adana Maye-Pî: Sanîye-Resûl Tarîx û Cayê Şehadetî: 07ê Êlula 2020î / Bedlîs

Nameyê Qodî: Nûda Besta Name û Peyname: Canane Tan Cayê Bîyayîşî: Wan Maye-Pî: Şerîfe-Zekî Tarîx û Cayê Şehadetî: 07ê Êlula 2020î / Bedlîs

Embazê ma Nuda û Zinar ke bajaranê cîya cîyayan ê Vakûrê Kurdîstanî de ameyî dinya, keyeyan welatpereweran de bîyî pîl û hema domanîya xo de raştîya dişmenî ya îşxalkere dîye. Hemrayê ma Nuda û Zinar zî sey ciwanan ê bînan ê Kurdîstanî semedê azadîya şar û welatê xo verê xo da koyanê Kurdîstanî û tewrê sefanê PKKyî bîyî. Hemrayanê ma Nuda û Zinarî gerîlatîye de keda pîle daye û bîyî mîlîtanê fedaîyî ke Rayber Apoyî afernayî.

Sere de keyeyanê ercîyayeyan ê embazanê ma rê ma pêro şarê Kurdîstanî yê welatperwerî rê serweşîye wazenê. Ma soz danê ke ma do waştişê înan bîyarê ca.''