Merkezê Îrtîbatî û Çapemenîye yê HPGyî bi eşkerayîyêka nuştekîye nasnameyê 4 gerîlayanê YJA-Starî û HPGyî yê ke 14ê temmuze de Heftanîn de şehîd bîyî, eşkera kerdî û ê yad kerdî.

Eşkerayîye wina ya:

''Ma eşkerayîya xo ya 14ê temmuze de dabi eşnawitene ke herêma Heftanînî de hêzanê ma Bektorya de warê Girê Kartal û Şehîr Bîrhatî de derbê giranî dabi îşxalkeran ro û îşxalkeran zî herême dabi bombayan ver. Nê şerî de embazê ma Şoreş, Zeynep, Gever û Hozan ê ke bi çêrî şer kerd şehîd bîyî.

Zanayîşê derheqê nasnameyê embazanê ma de wina yê:

Nameyê Qodî: Şoreş Serkeft Name û Peyname: Mûrat Akman Cayê Bîyayîşî: Mûş Maye-Pî: Adûle-Kamil Tarîx û Cayê Şehadetî: 11ê Temmuza 2020î / Heftanîn

Nameyê Qodî: Zeynep Amanos Name û Peyname: Zahîde Şîmşek Cayê Bîyayîşî: Hatay Maye-Pî: Emîne-Mahmût Tarîx û Cayê Şehadetî: 11ê Temmuza 2020î / Heftanîn

Nameyê Qodî: Gever Hakkarî Name û Peyname: Yilmaz Ozlu Cayê Bîyayîşî: Edene Maye-Pî: Aysel-Ferman Tarîx û Cayê Şehadetî: 11ê Temmuza 2020î / Heftanîn

Nameyê Qodî: Hozan Farqîn Name û Peyname: Omer Eker Cayê Bîyayîşî. Amed Maye-Pî: Emîne-Ebedîn Tarîx û Cayê Şehadetî: 11ê Temmuza 2020î / Heftanîn

Embazê ma Şoreş qezaya Milazgirtî ya Mûşî de dadîya xo ra bîyo serra 2007î de vera raştîya dişmenî tewrê gerîlayan bi. Embaz Şoreş hema destpêkê tewrbîyayîşê xo de bi milîtanêko jîhat û bêteredutî pêro berpirsîyarîyê xo ardî ca. Gerîlatî, fermandarî û zanistîya xo de tim kedêka pîle daye. Embaz Şoreş embazêko zerrînizm û perwerê Rayber Apoyî bi. Embaz Şoreş Heftanîn de zî bi ruhê fedayî tewrê çalakîyan bi û çalakîyê dişmenî pûç kerdî.

Embaze Zeynepa ke rijayîj bîye, Hatay de dadîya xo ra bîye. Embaze Zeynepe wexto ke zanîngeh de wendêne Têgêrayîşê ma nêzdî ra şinasna û tewra gerîlayan bîye. Embaz Zeynepe mîyanê gerîlayan de nasnameyê xo hîna raşt musa û kesayetê xo de gamê girîngî eştî. A tim bi moral û coşê xo embazanê xo rê bîye mîsalêk. Embaza ma Zeynepe Heftanîn de zî heman coş û moralî mojna û vera dişmenan vejîyaye.

Embazê ma Gever Adana de dadîya xo ra bîyo û bi tesîrê Şorişê Rojawanî tewrê gerîlayan bi. Embaz Gever wextêkê kilmî de hunerê xo mojna û bi fermandar. Embaz Gever xeylêk waran de şerê vera artêşa tirke de birîndar bi la coşê ci tim dewam kerd. Embazê ma Gever Cengê Heftanînî de bi rîyê xo yê huyayeyî, bi taybetmendîyanê xo yê bêhempayan bi çimeyê moralî. Hemleya Cengê Heftanînî tewrê karwanê bêmergan bi.

Embazê ma Hozan Farqîn Amed de dadîya xo ra bîyo û bi tewirê qedîmî yê şaristanê xo tewrê gerîlayan bi. Embaz Hozanî wextê Xoverdayîşê Xoîdarekerdişan de zulmê vera şarê ma nêzdî ra dî û seba qesasê şarê xo verê xo da koyan. Embaz Hozanî Cengê Heftanînî de derbê giranî dayî dişmenî ro ke dişmen neçare mend ke apey şoro.

Sere de keyeyanê ercîyayeyan ê embazanê ma rê ma pêro şarê Kurdîstanî yê welatperwerî rê serweşîye wazenê. Ma soz danê ke ma do armancê înan ser bivisnê.''