Merkezê Îrtîbatî û Çapemenîye yê HPGyî bi eşkerayîyêke da zanayene ke 2 gerîlayê înan 14ê hezîrane de Colemêrg de şehîd bîyî.

Eşkerayîya HPGyî wina ya:

''Ma eşkerayîya xo ya 11ê temmuze de dabi eşnawitene ke 14ê hezîrane de warê Koyê Reşkî yê Colemêrgî de netîceya operasyonêkî de şerêko giran qewimîya û embazê ma Qendîl û Kendal şehîd bîyê. Nasnameyê embazan ê ma yê şehîdan wina yê:

Embazê ma Qendîl Rojawanê Kurdîstanî de Amûdê de dadîya xo ra bîyo. Embazê ma Qendîl wextê Şorişê Rojawanî de seba pawitişê welatê xo tewrê têkoşînî bi. Embazê ma Qendîlî serra 2015î de bire daye ke têkoşînê xo yê seba welatî koyanê Kurdîstanî de dewam bikero û tewrê gerîlayan bibo. Embazê ma Qendîl bi şexsîyetê xo yê zerrînizm, fedakar û welatperwerî bi milîtanê Apoyî û kedêka pîle daye xebatanê şorişî. Efrîn, Rojhelatê Kurdîstanî û tewr peyên Botan de vera dewleta tirke ya îşxalkere  xoverdayîş de ca girewt. Embaz Qendîlî peyê xo de rayraşîyayîşê şorişî û têkoşîno bêmabên verda.

Embazê ma Kendal keyeyêkê welatperwerî de dadîya xo ra bîyo. Embaz Kendalî hema ke ciwan bi Rayber Apo şinasna û bire daye ke nasnameyo raştikên koyanê azadan ê Kurdîstanî de yo. Embaz Kendal vera asîmîlasyonî verê xo da koyan û resa nasnameyê xo.Kendalî wextê îşxalê DAÎŞî yê vera Mexmûr û Şingalî de têkoşîn de ca girewt û verê qirkerdişê şarê ma girewt. Embaz Kendal çarçewa milîtanîya Rayber Apoyî de tim xo sey deyndarê şarê xo hesibna. Embaz Kendal agêra erdê xo yo ke tede ame dinya û deynê xo bi têkoşînê heta guleyê peyênî da.

Ma sere de keyeyanê ercîyayeyan ê embazanê xo rê pêro şarê Kurdîstanî yê welatperwerî rê serweşîye wazenê. Ma sond wanenê ke ma do têkoşînê embazanê xo bi serfîrazîye tacîdar bikerê.''