Merkezê Îrtîbatî û Çapemenîye yê HPGyî derheqê şehîdanê Cûdîyî de eşkerayîyêke daye û pare kerd ke artêşa tirke 17-18ê teşrîna verêne de warê Difinî yê Koyê Cûdîyî de operasyonêk daye destpêkerdene û pêkewtişê giranî qewimîyayî.

Eşkerayîya HPGyî wina ya:

'' Artêşa tirke ya îşxalkere 17-18ê teşrîna verêne de warê Difinî yê Koyê Cûdîyî de operasyonêk daye destpêkerdene û mabênê artêşa îşxalkere û hêzanê ma de pêkewtişê giranî qewimîyayî. Operasyon de ke 2 rojan dewam kerd embazanê ma Rûkene, Îhsan û Çîya bi çêrî vera dişmenî şer kerd û şehîd bîyî.

Zanayîşê derheqê nasnameyanê embazanê ma de wina yê:

Nameyê Qodî: Rûkene Cudî Name û Peyname: Emîne Başak Cayê Bîyayîşî: Şirnex Maye-Pî: Fatma – Haci Tarîx û Cayê Şehadetî:  18ê Teşrîna Verêne ya 2020î / Cûdî Nameyê Qodî: Îhsan Nurî Agirî Name û Peyname: Mehmet Nurî Husîdur Cayê Bîyayîşî: Agirî Maye-Pî: Bîrsene – Remzî Tarîx û Cayê Şehadetî: 18ê Teşrîna Verêne ya 2020î / Cûdî Nameyê Qodî: Çîya Harun Name û Peyname: Sadik Yerek Cayê Bîyayîşî: Sêrt Maye-Pî: Tarîx û Cayê Şehadetî: 18ê Teşrîna Verêne ya 2020î/Cûdî

Embaza ma Rûkene Botan de dadîya xo ra bîya û xeyalê xo yo tewr pîl ard ca; tewra gerîlayan bîye. Embaza ma Rûkene bi eşqêkê pîlî pabesteya Rayber Apoyî bîye û bi nê eşqî bîye mîsalê averşîyayîşê Têgêrayîşê Azadîye yê Cinîyan ê Kurdîstanî. Embaze Rûkene vera serdestîya camêrdan bîye fermandarêka YJA-Starî. Embaza ma bi hîşmendî û fedakarî pêro wezîfeyê xo ardî ca. Embaze Rûkene bi israrî tewrê pêro çalakîyan bîye û pê pêro zerrî û vîranê embazanê xo de bîye wayîra cayêkê taybetî.

Embazê ma Îhsan Nûrî Agirî de dadîya xo ra bîyo û serra 2013î de tewrê gerîlayan bi.  Embaz Îhsan Nûrîyî bi baldarî û berpirsîyarî pêro wezîfeyê xo ardî ca û rayîrê fermandarîye de aver şi. Embaz Îhsan Nûrî şerê vera dişmenî de tewr vernî de ca girewt û herêma Botanî de derbê giranî dayî dişmenî ro. Embaz Îhsan Nûrî tim wayîrê terzê fedayî yê Apogîran bi.

Embazê ma Çîya Sêrt de dadîya xo ra bîyo û vera polîtîkayanê faşîzanan ê dewleta tirke tewrê gerîlayan bi. Embazê ma Çîyayo ke pê fedakar û kedkarîya xo şinasîyayêne, terzê milîtanîya Apogîre aver berd û pêro berpirsîyarîyê xo bi serkewtişî ardî ca. Embaz Çîya bi embazî, fedakarî û keda xo Botanî ser o rêçê xorînî verdayî.

Sere de keyeyanê ercîyayeyan ê embazanê xo rê, ma pêro şarê Kurdîstanî yê welatperwerî rê serweşîye wazenê. Ma sozê xo dibare kenê ke ma do mîrasê şehîdan pê serkewtişî tacîdar bikerê.''