Merkezê Îrtîbatî û Çapemenîye yê HPGyî bi eşkerayîyêke şehîdê herêma Serhedî yad kerdî.

Eşkerayîye wina ya:

''Artêşa tirke ya îşxalkere warê Çemî yê qezaya Qaxizmanî yê Qersî de 10ê gulane de dest pê operasyonî kerd û operasyonî heta 15ê gulane dewam kerd. Wextê operasyonî de mabênê hêzanê ma û îşxalkeran de şerêko giran qewimîya. Embazê ma Erdal, Munzur, Derwêş û Sîpanê ke panc rojan vera îşxalkeran bi çêrî şer kerd tewrê karwanê şehîdan bîyî.

Zanayîşê derheqê nasnameyanê embazanê ma de wina yê:

Nameyê Qodî: Erdal Agir Name û Peyname: Adnan Avşar Cayê Bîyayîşî: Erdexan Maye-Pî: Tevrate-Abdullah Tarîx û Cayê Şehadetî: 15ê Gulana 2020 / Qaxizman

Nameyê Qodî: Munzur Gimgim Name û Peyname: Mehmet Yalçin Cayê Bîyayîşî: Mûş Maye-Pî: Leyla-Mehmet Hakki Tarîx û Cayê Şehadetî: 15ê Gulana 2020 / Qaxizman

Nameyê Qodî: Derwêş Xabûr Name û Peyname: Zakîr Olmez Cayê Bîyayîşî: Şirnex Maye-Pî: Beybûne-Siddik Tarîx û Cayê Şehadetî: 15ê Gulana 2020 / Qaxizman

Nameyê Qodî: Sîpan Yoldaş Name û Peyname: Hamît Ecer Cayê Bîyayîşî: Mêrdîn Maye-Pî: Şamsa-Ahmet Tarîx û Cayê Şehadetî: 15ê Gulana 2020 / Qaxizman

Embazê ma Erdal Serhed de dadîya xo ra bi û serra 2010î de vera hîşmendîya faşîste twrê gerîlayan bi. Embaz Erdalî Rayberîye û şehîdê çêrî bi xîretî fam kerdî û kesayetê xo de ê afernayî. Embaz Erdalî bi coş û moralî seba gerîlatîye verê xo da herêma Serhedî. Embaz Erdal tewrê xeylêk çalakîyan bi û derbê giranî dayî dişmenî ro.

Embazê ma Munzur Mûş de dadîya xo ra bi û serra 2014î de tewrê gerîlayan bi. Embaz Munzur bi bawerîyêka pîle tewrê têkoşînî bi û her warê têkoşînî de bi fedakarî û kedkarîya xo şinasîya û pêro berpirsîyarîyê xo ardî ca. Embazê ma Munzur tim esasê 'Rayraşîyayîşê şorişî de seba gamanê girdan çêrîye hewce ya' têgêra û seba caardişê felsefeya Rayber Apoyî kedêka pîle daye.

Embazê ma Derwêş herêma Kaşura ya Botanî de dadîya xo ra bi û ciwanîya xo de vera asîmîlasyonê ciwanan ê kurdan tewrê gerîlayan bi. Embaz Derwêşî xeylêk waranê Herêmanê Pawitişî yê Medya de wezîfe kerd.  Seba armancê xo yê şîyayîşê Vakurê Kurdîstanî Derwêşî vatbi: 'Seba caardişê azadîya Rayber Apoyî.' Embaz Derwêşî sena nê armancî zaf enerjî daye û alaya têkoşînî teslîmê embazan kerde.

Embazê ma Sîpan Mêrdîn de dadîya xo ra bi û bi waştişê azadîye verê xo da koyanê azadan. Embaz Sîpanî wextê xoverdayîşê xoîdarekerdişî yê Şirnexî de binê fermandarîya Salar û Zeryanan de şer kerd û tewir û îradeyê Apogîran mojnayî. Embaz Sîpanî Botanî ra heta Şirnexî, uca ra heta Serhedî milîtanîya Rayber Apoyî kesayetê xo de zîl kerde. Embaz Sîpan bi xoverdayîşê pîlî û pratîkê têkoşînî bi milîtanêko fedayî yê Rayber Apoyî û fermandarê dewirê neweyî.

Sere de keyeyanê ercîyayeyan ê embazanê xo yê şehîdan rê ma pêro şarê Kurdîstanî yê welatperwerî rê serweşîye wazenê. Ma soz danê ke ma do mîrasê şehîdan ser bivisnê.''