Fermandarîya Qerargehê Merkezê Pawitişî yê Şarî, bi wesîleya serrgêra Hemleya 1’ê Hezîrane 2014’î eşkerayîyêka nûştekîye daye.

Eşkerayîya fermandarîye de nê ameyî vatene:

Hemleya 1’ê Hezîrane Mucadeleyê Ma de Averşîyayîşêko Pîl Kerd

“Komploya Mîyanneteweyîye ya 15’ê Sibat a 1999’î şexsê Rayber Apoyî de sey netewe hemverê şarê Kurdî û Têgêrayîşê Azadîya Kurdistanî de konseptê tasfîyekerdişî fîna dewre. Hemverê na komplo de Rayber Apo bi vejîyayîşêkê stratejîkî yê zîrekî û hemleya taktîkîye komplo fînaye vengayî. Seba ke şer vindarîyo û çareserîya demokratîke virazîyo atmosferê bêpêkewtişî yê 5 serran virazîya. Nê bingeyî de hemleya 1’ê Hezîran a 2014’î ya tarîxîye mucadeleyê ma de bîye sebebê virazîyayîşê averşîyayîşanê muhîman.      

Sere de hemrayê ma Erdal, Adil, Nûda ma hemrayanê xo Xebat, Delale, Atakan, Çetîn, Azad, Armanc û Doganî ke no proses bi kede û cehdêkê pîlî amade kerd û pratîk de bîyî serkêşê nê prosesî û heme hemrayanê xo yê şehîdanê ke nê prosesî de bi qehremanîye resayî şehadet bi hurmet û minet bi vîr anê, ma soz danê ke ma do vîrameyîşanê înan rayraşîyayîşê serkewtişî yê Rayberîya Azade Kurdistanê Azadî de bidê ciwîyayene.

Hemleya 1’ê Hezîrane Bi Xercê Cimatbîyayîşê Paradîgmaya Newî

Senî ke Hemleya 15’ê Tebaxe ya namdare hemverê qirkerdiş û çinbîyayîşî de vindert û problemê Kurdan vet werte û rayîrê çareserîye akerd, Hemleya 1’ê Hezîrane ya tarîxîye zî hemverê xeta komploya mîyanneteweyîye de bi cehdê xo yê bicaardişê Rayberîya Azade Kurdistanê Azadî bîya hemleya tewr muhîman ê tarîxê mucadeleyê ma.

Gerîlayê Azadîya Kurdistanî yo ke hemverê nê hezeyanê faşîzanî de bi perspektîfê şerê şarî kewt mîyanê xoverdayîşêkê tarîxkîyî hetêk ra no xoverdayîş aver berd, hetêna ra hedefê ci yo ewilên qedînayîşê tecrîdê mutleqî û sîstemê îşkenceyî yê psîkolojîkî yê Îmraliyî bi. Pîya bi tewirê Rayberîye yê hemverê nê sîstemî şarê ma û sazîyê ke girêdayeyê şarê ma yê ancî polîtîkaya qirkerdişî ya rejîmê Tirkî yê faşîstî ya ke bi serkêşîya Erdoganî yena rayraberdene amî binfînayene.

Gerîla Wayîrê Qerardarîye yo ke Rayraşîyayîşê Serkewtişî yê Nê Dewrî Bero Sere

Nê rojan de ke ma kewtê serrgêra 15’ine ya hemleya 1’ê Hezîrane ya tarîxîye, grevê vêşanîye û rojeyê mergî yê ke bi şîarê ma tecrîdî bişiknê, faşîzmî birijnê û Kurdistanî azad bikerê dest pêkerdîbî, zîndanan de, zereyê welatî de û teberê welatî de bîyî wayîrê karakterêkê cimatkîyî û bîyê nimûneyêkê eşkerayî yê peyser gameeştişê dişmenî. Bêguman çîyo ke nê averşîyayîşê nê 15 serranê peyênan vetê werte, ruh dayo xoverdayîşî, xoverdayîşî xurt kerdo û game bi game ver bi serkewtişî berdo ruh û qerardarîya Hemleya 1’ê Hezîrane yê. Gerîlayê Azadîya Kurdistanî ewro na qerardarîya xo hîna kerda berze û bi perspektîfê xo newe ra awankerdişî û ruhê fedaîyî yê dewrê neweyî cehd keno ke prosesî rê bibo cewab û rayraşîyayîşê xo yê serkewtişî bica bero sere.

Nê bingeyî de ma Hemleya 1’ê Hezîrane hemeyê şarê xo rê, dostanê xo rê û hemrayanê xo rê pîroz kenê, ma heme şerwananê azadîye rê, yê ke do serra 16’ine ya hemleya 1’ê Hezîrane de rayraşîyayîşê Rayberîya Azade Kurdistanê Azadî berê sere, serra newî ya mucadeleyî de serkewtişanê pîlan wazenê.”