Rojnameyê Dersimî yo ke wextêko derg o bi hawayêkê perîyodîkî weşanê xo domneno bi hûmara xo ya 83’ine resa wendoxanê xo.

Rojnameyo ke bi manşetê ‘Ma Belgeyanê Gazanê Jehrinan Eşkera Kenê/ Gazî Almanya ra, Teyareyî Amerîka ra’ vejîya, tede derheqê gazê jehrinî yê ke Qirkerdişê Dêrsimî de ameyê şuxulnayene hetê kamî ra ameyê herînayene hayîdarîyê neweyî estê.

Reya ewilêne Nûrî Dêrsimî vatibi ke Dêrsim de gazo jehrin ameyo şuxulnayene. Dima ra Îhsan Sabrî Çaglayangîlo ke demêk Wezaretê Karanê Teberî yê Tirkî de bi, endamîya ci ya Senato estbî û verê derbeyê 12’ê Êlule yê 1980’î bi wekaletî karê serekkomarîye rayra berdêne zî roportajêk xo de na rastî îtîraf kerdebî. Ewro zî Rojnameyê Dersimî (Dersîm Gazetesî) bi cigêrayîşanê Husnu Gurbey û Mahsûnî Gulî, da zanayene ke verê Qirkerdişê Dêrsimî (1937) Almanya ra gazê jehrinî û Amerîka ra zî teyareyê bombardûmanî ameyê herînayene û belgeyê nînan weşanayî. Bi nê hawayî rojnameyî tarîxî rê notêk nûşt.

Çend nûşteyê ke hûmara Gulane-Hezîrane yê Rojnameyê Dersimî de ameyê weşanayene wina yê:

Husnu GURBEY û Mahsûnî GUL “Gazê jehrinî yê ke Dêrsim de ameyî şuxulnayene Almanyaya nazîye ra ameyî herînayene”
Ferhat TUNÇ “Yaşadığımız karanlığın izahı (Îzahê tarîtîya ke ma ciwîyenê)”
Alper TAŞ “31 Mart sonrası muhalefet ne yapmalı? (31’ê Adare ra dima ganî muxalefet se kero?)”
Ergîn DOGRÛ “İnsan tükenirken tüketiyor (Merdim gama xerc beno xerc keno)”
Nesîmî ADAY “Şeyh Said Dersim’e geldi mi? (Şêx Seîd ame Dêrsim?)”
Ûmûr HOZATLI “Misafir ve tarih öncesi köpekler (Meyman û kutikê verê tarîxî)”
Mehmet ÇETÎN “Dara tek ê… verind bi: verd ra şi…”
Daîmî DOGAN “Tayê edetê veyveyi”