'Çimeyanê fermîyan' pare kerd ke felaketê vewrêsî yê Miksî de 40 kesî merdî. La goreyê zanayîşanê ke çimeyanê herêmîyan ra ameyî girewtenehûmara merdeyan hîna zêde ya. Bi taybetî wesayîtê zîrxî yê ke cayê felaketî rê ameyî sewqkerdene bîyî semedê vewrêsî. Skandalo bîn zî no yo ke vewrêsê yewînî ra dima ekîbê xelisnayîşî ney notirî ameyî erşawitene cayê vewrêsî.

Sarisaç: Rayaumûmîye ra yeno nimitene

Nêno destûrdayene ke rêxistinê sivîlî û HDP şorê herême. Wekîlê HDPyî yê Wanî Murat Sarisaçî derheqê babete de ANF reyde qisey kerd û îfade kerd ke rayaumûmîye ra zanayîşî yenê nimitene. Sarisaçî vat: 

''Yew-di wezîrî ameyî û înan verê nêweşxaneyî de eşkerayîye daye. Nêverdenê ke ma şorê herême. Semedê ci zî asayîş û ameyîşê Soyluyî yo. ê xîret kenê ke rayaumûmîya Tirkîya ra zanayîşê rastikênî binimnê. Wexto ke ma şîyî uca binê vewrêsî ra serşêwirmendê serekkomarî vejîya. Cayê serebûtî de notirî xebitîyayêne, no yew nêzdîbîyayîşo bêcidîyet o. Eke cayêkê bînî yê dinya de çîyo winasî bibîyêne selahîyetdaran do îstîfa bikerdêne. Êyê ke şinê xebata xelisnayîşî kenê binê vewrêsî de manenê. Na trajedîyêka pîle ya.''