Komeleya Komelê Sivîlî yê Sîstemê Înfazê Ceza (CÎSST) zîndanan ser o kar kena. Koordînatora Avûkatîye ya CÎSSTî Berîvane Emîne Korkût qala karê xo kerdî.

Berîvane da zanayene ke xebera înan çin a ke zîndanan de çend tenî manenê. Berîvane îfade kerd ke janî ra verî 300 hezar tepişteyî beno ke estbî la 'efûyê Bahçelîyî' ra dima hûmara newîye nêzanîyena. Berîvane ard ziwan ke zîndanî kapasîteya xo ra zêdêr pirr ê û sixletîya zîndanan hetê fîzîksel û mentalî ra hol nîya. Berîvane vat: ''Nê zîndanan de tay cayî sey warê hemparî şuxilîyenê. Tay zîndananê sey Patnos de awa pake zî çin a. Ma nêeşkenê rast a rast tepişteyan yan zî keyeyan ra xebere bigêrê. Ma raporanê xo goreyê muracaatan û xeta şewirmendîye ser o amade kenê. Mektubê ke dezgehê ma rê erşawîyenê, yan zî nameyê ke ma tepişteyan rê erşawenê yenê astengkerdene.

Muracatan de tay tepişteyî vanê ke înan rê îşkence û têgêrayîşê xirabî yenê kerdene. Îmkanê ma çin ê ke ma nê serbûtan cigêrayîş bikerê. Ma xeylêk mekanîzmayan rê muracat kerd.''