Iraq de seba ke hêrişê kîmyewî yê dewleta tirke yê vera Başûrê Kurdîstanî bêrê cigêrayene komîsyonêko taybet ame awankerdene. Dîya zanayene ke no komîsyon do herêma hêrişan de dest pê cigêrayîşî bikero.

Wekîlê Koalîsyonê Fetîhî Refiq Salihî derheqê babete medyaya Iraqî rê qisey kerd û vat: ''Parlamentoyê Iraqî de hêrişê kîmyewîyî yê dewleta tirke bîyî rojdem û komîsyonê cigêrayîşî ronîya. Komîsyon do herêmanê operasyonî de cigêrayîşan bikero. Komîsyon de temsîlkarê Wezîrîya Pawitişî, Komîsyonê Pawitiş û Asayîşî û Wezîrîya Karanê Teberî zî do cabigêrê. Komîsyon armanc keno ke pêro belgeyan arê bido û Konseya Asayîşî ya Neteweyanê Yewbîyayeyan rê gerre bikero.''