Endamê Komîteya Rayberdişî ya PKKyî Duran Kalkanî Medya Haber TV rê qisey kerd. Duran Kalkanî nê vatî:

''Gerîlayan tim bi cesaretê girdî, fedakarîye û afirnayoxîye şer kerd û derbeyê giranî dayî piro. Teşrîne verêne û teşrîna peyêne ra nata operasyonê şorişgêrî yê girdî ameyî kerdene ke îqtîdaro faşîst ê AKP-MHPyî qehr kerd. Mîjdana Fermandarîya Qerargehê Merkezî raşta zî goreyê manaya Newroze bî.  Na mîjdane do heyecanê Newroze zafêr bikero. Na mîjdana Newroze ters û xof fîna zerrîya kanperestan, ê qehr kerdî û hêvî  û heyecan da heme kesan ke cigêrayîşê azadîye de yê.

Îqtîdarê faşîstî tim bi hacatanê teknîkîyan ke bi xo bazarkerdişî fînayî dest xo wasifnayêne. Nika ma vînenê ke her kes eşkeno nê hacetan bifîno dest.  Ma rê qale nêmende, çîyo ke hewce keno xora HPG bi xo vano. Ma rê zî pîrozkerdiş maneno. Ez heme hêzanê HPG û YJA Starî pîroz kena înan nê ke nê aver  berdî selam kena, pîroz kena. Ez bi nameyê îdareyê partîya ma  serkewtişî wazena.

Gerîlayî tim benê hêvîya ma, serkêşîye kenê. Na Newroze de hêvîya pîle daye şarî. Gerîlayan adirê Newroze serê erdî nê azmîn de vist a û hêza pîle daye Newroza 2024î.  Gerîlayan reyna hêzê xo ramojna. Wa paşta şarê me gerîlayan ra pêt bo, dahîna zaf wayîrê gerîlayan bivejîyê.  Wa şar bi gerîlayan bibo yew. Ma têkoşîn bikerê û ser bikewê.''