Kalkan: Wext wextê pîlkerdişê xoverdayîş o

Endamê Komîteya Merkezî ya PKKyî Duran Kalkanî vat: ''Ma wextê xoverdayîşî de yê, her kes her ca de goreyê îmkan û hêzê xo seba çinkerdişê faşîzmê AKP-MKPyî ganî têkoşîn bikero.''

Endamê Komîteya Merkezî  ya PKKyî Duran Kalkan tewrê bernameyê 'Ulkeden'î yê Medya Haber TVyî bi û cewab da persanê Hoşeng Yilmazî.

Qiseykerdişê Kalkanî ra beşêk wina yo:

''Rayber Apoyî serra 2009î de 'Xerîtaya Rayîrî' amade kerde û pêşkêşê hukmatî kerde. Seba ke AKPyî no nimna pêşkêşê Mehkemeya Heqanê Merdiman a Ewropa kerd. Naye ra cezaya dîyaye Rayber Apoyî ke nna rewşe zaf bêmana ya. Hînî çew sîstemê Îmraliyî qebul nêkeno, bi temamî deşîfre bîyo. Îqtîdarê AKP-MHPyî zî hînî nêeşkeno pê faşîzmî welat îdare bikero. Tewr peyên CPTyî zî pare kerd ke Îmrali de îşkence esto, Konseya Ewropa raporê CPTyî tesdîq kerd û waşt ke cade tedbîrî bigêrîyê. Tecrîdê Îmraliyî ra Konseya Ewropa berpirsîyar a. Seke Rayber Apoyî vatbi Tirkîya gardîyana tecrîdî ya. La no gardîyan sozanê ke verî dabi nêano ca.

Seba ke Rayber Apo azad bibo ganî Kurdîstan û dinya de têkoşîn bêro kerdene. Seba azadîya Kurdîstanî û Tirkîya seba haştîye Ocalan tek çare yo. La nika çar perranê dinya ra, hêzanê demokratîkan ra ma rê cewab yeno dayene ke Ocalan seba haştî, demokrasî û azadîya pêro dinya girîng o. Pêro bindestî wayîrê ey vejîyenê. Na rewşe sebebê hêvîyan o.

Ez şehîde Bêrîtane bi rêzdarî yad kena. Xeta xoverdayîşî ya bingeyîne ya Hemleya 'Wext Wextê Azadîye yo' xeta Bêrîtan a. Ma do bi ruhê Bêrîtane xo ver bidê û ser bikewê.

PDK wazeno Şingal bivisno destî. DYA zî wazena îdareyanê Iraq, Tirkîya û Başûrî reyde biba yew û vera PKKyî têkoşîn bikera. Ê bi nameyê PKKyî Şingal, kurdayetî, Şingalê xoserî kenê hedef. Na peymana PDK û Iraqî hetê DYA ra ameye waştene û hetê Tirkîya ra ameye ferzkerdene. PDK herinda ke efûya xo biwazo, xoserîya Şingalî qebul bikero sey serra 2014î reyna şaşîtîye keno. Peyê hêrişanê vera Şingalî de Tirkîya û PDK estê. Amerîka waşt, Iraqî zî neçaretîye ra qebul kerd. La ma na peymane do qet qebul nêkerê. 

Hînî kurdayetîya PDKyî zî şikdar a, naye ser o nîqaşî estê. Bala xo bidê; Hewlêr de îdarekarêkê MÎTî kişîya û naye ra di ciwanê kurdî do bêrê dardekerdene. Dîyar Xerîb Hewlêr de hetê MÎTî ra kişîya. Tewr qîymetê kurdan nêmend la Başûr de qîymetê MÎTî esto. Coka ez vana kurdayetîya PDKyî şikdar a. 

Îtîfaqê kurd-ereban do demokrasî bîyaro Rojhelatê Mîyanênî. Ma boykotanê ereban ê vera dewleta tirke rê selam kenê. Ganî têgêrayîşê winasênî dewam bikerê. Ganî roşnvîr, sîyasetmedarê erebî zêdêr Rayberîye biwanê, PKK û Têkoşînê Azadîye yê Kurdîstanî bişinasnê. Ganî kurd û erebî vera dewleta tirke pîya têkoşîn bikerê. Sey Têgêrayîşê Azadîye yê Kurdîstanî ma amade yê ke paştî bidê ereban.

Tirkîyaya ke nêeşkaya Lîbya û Karabagî ra çîyêk bivisna destî reyna verê xo da Rojawanî. Ganî her kes baldar bibo. Eke reyna DYA, Rûsya û Ewropa destûr bidê Tirkîya do reyna hêrişê Rojawanî bikera. Xora Tirkîya Dêrikî ra heta Kobanê hêriş kena, Efrîn û Serêkanîyê de sivîlan kişena.

Rojawan de yeno nîqaşkerdene ke ziwanê kurdkî wa bibo ziwano fermî yan nê. Nê nîqaşî raşt nîyê, goreyê kurdayetîye nîyê. Ziwanê şarî xora kurdkî ya coka perwerde ganî kurdkî bibo. ENKS naye qebul nêkenoi şaşîtîye keno. Çew vano qey ENKS şerê azadîya Rojawanî de têkoşîn kerd. Çîyo winasên çin o. Yew eleqeyê înan bi kurdayetîye, neteperwerîye çin o. 

Seba tasfîye û bêtesîrkerdişê HDPyî hêrişî yenê kerdene. Tedaya HDPyî yena kerdene û endamê HDPyî tepişîyena. Eke ewro weçînayîş bêro kerdene HDP do bibo partîya yewîne. Ê HDPyî ra tersenê. Vanê ê terefgîrê haştîye yê la aslê xo de hêzê şerî yê. Ganî vera naye xoverdayîşo antîfaşît bêro kerdene.  Ma wextê xoverdayîşî de yê, her kes her ca de goreyê îmkan û hêzê xo seba çinkerdişê faşîzmê AKP-MKPyî ganî têkoşîn bikero. No îqtîdar pê weçanîşî nêşino. Ganî vera faşîzmê winasênî têkoşîn û xoverdayîşo bi heman hawayî bêro kerdene.

Bi şehadetê Egîd Civyanî îqtîdarê qesasê Şingalî girewt. Egîd Civyan çêrê Geverî bi. O xeta raştikêne ya xoverdayîşê Şingalî bi. Welatperwer bi, azadîpawitox bi. Ey raştîya Rayber Apoyî hol fam kerdbi. Êyê ke vanê 'ma do se bikerê' înan rê cewab bo; sey Egîd Civyan bikerê. ''