Kampanyaya Keyeyê Wayûbirayî ya ke hetê HDPyî ra seba paştdayîşê şarî dîyaye destpêkerdene dewam kena. Mêrdîn de seba kampanya qezayan de komîsyonî ronîyayî û heta nika 2 hezar û 500 keyeyê hewcedarî ameyî tesbîtkerdene. 200 keyeyan rê zî keyeyê wayûbirayî ameyî dîyene. Îdarekaranê HDPyî yê Mêrdînî derheqê kampanya de qisey kerd û venga şarî da ke tewrê kampanya bibo û kampanya pîl bikero. 

Îdareyê HDPyî yê Mêrdînî ra Munevvere Ulker vat: ''Bêrê ma pîya destê xo keyeyanê hewcedaran rê derg bikerê, ma pîya torra paştdayîşî awan bikerê. Ma heta nika resayî 2 hezar keyeyan. Şima zî seba ke paştî bidê hetkarîya kampanya bikerê.''

Hemserekê HDPyî yê Mêrdînî Salîh Kudayî zî îfade kerd ke ê rixmê gefê vîrusî zî xebatanê xo dewam kenê. Kudayî vat: ''Ma heta nika 200 keyeyan rê keyeyê wayûbirayî dîyî. Şaristan de paştdayîş dewam keno.''