Dereyê Herdo yê qezaya Kanîreşî ya Çewlîgî de tira ke heywanî barkerde bîyî dêmdîye û 30 mêşnayî merdî.

Ame zanayene ke hemwelatijo bi nameyê Beşîr Akbûlûtî waşt ke 200 mêşnayê ke Amed de girewtê, bero bi qezaya Çadî ya Erziromî labelê wexto ke rest Dereyê Herdo yê qezaya Kanîreşî ya Çewlîgî tira ke heywanî barkerde bîyî dêmdîye. Qeza de şofor Akbûlût û keso ke nameyê ci nêameyo musayene bi birîndar. 200 mêşnayê ke tire ra barkerde bîyî ra 30’ê înan merdî. Mêşnayê bînê ke tire de weş mendî, hetê dewijan ra ameyî xelisnayene. Birîndarî bi ambulansan ameyî berdene bi nêweşxaneyî.