Rayberîya Merkezê Kulturî yê Mezopotamya (MKM) de tradîsyonê kultur û hunerî yê Kurdîstanî Wan de Kargehê Aryen Sanatî de dewam keno.

Wan de xebatê hultur û hunerî rixmê hende qedexe û astengîyan zî 20 serran ra nata bêmabên dewam kenê. Tradîsyonê MKMyî ra dima Wan de heta nika Merkezê Kulturî yê Serhedî (SKM), Merkezê Hunerî y Wanî (VKM) û Merkezê Kulturî yê Notaya 8. ameyî akerdene û nê cayî hetê dewlete ra ameyî girewtene. Nika zî Kargehê Aryen Sanatî xizmetê şarê Wanî keno.

Îdarekarê Kargehê Aryen Sanatî Baran Sariyî pare kerd ke 20 serrî yo ê vera asîmîlasyonî Wan de têkoşîn kenê û vat: ''Kargehê Aryenî dewamê rêçê xoverdayîşî yo. Têna nê serran de rewşa îstîsnayîye û pandemî bi hawayêkê xirabî tesîrê ma kerdî. Îmkanê ma kêm ê û zor zehmetîyê ma zî estê. La ma seba domananê ke serra înan mabênê 2-5 de yê, xizmet danê. Şar zaf eleqe mojneno naye.''

Sariyî da zanayene ke ê vera asîmîlasyonî wurzê payan ser. Sariyî bale ante hunerê komelî û hunermendîya komelkî ser û vat ke ganî merdimî goş nêdê bazirganan ser ke nê warî îstîsmar kenê.