Endamê Kordînasyonê Komaleyanê Ciwanan Botan Katoyî da ard ziwan ke serkewtişê verba îşxalkarîye do seba pêroyê merdimîye bibe cuya newîye, bibe sey ronesans. Katoyî veng da ciwanan ke ganî nê prosesê seferberîye de rayberî bikerê.
Endamê Kordînasyonê Komaleyanê Ciwanan Botan Katoyî bi wesîleyê prosesê seferberîye yê verba îşxalkarîya Tirkî ya serê Vakur û Rojakewtena Sûrîye ciwanan rê mesajêk erşawit.
Mesajê Katoyî wina yo:
"Nika verba welatê ma, verba erjê merdimîye hêrişêko giran yeno kerdene. Şarê ma wextêko dergî ra nata verba na barbarîye xo ver dano. Netîceyê nê xoverdayîşî de zî ronesanêko newe, hêvîye û cuya newîye Rojakewtena Mîyanêne de bêro sazkerdene. Serkewtişê verba na îşxalkarîye cuya newîye seba pêroyê merdimîye bibe. Coka ganî ciwanî her ca de bi rolê rayberîye tê bigêrê. Nê prosesê seferberîye de ganî ciwanê Kurdistanî bi wezîfeyê rayberîye tê bigêrê. Her ca de çalakîyanê nê prosesî de ganî bivejîyê meydanan."
