KCKD-E bi eşkerayîya nuştekîye da veng da kurdan û dostanê ci ke wa vera hêrişan dewleta tirke yê serê gerîlayan ke rixmê adirbirnayîşî yenê domnayene, wa vejîyê kuçeyan.

Eşkerayîye de nê ameyî vatene: “Rixmê adirbirnayîşê ke 1ê adare de dîya destpêkerdene, dewleta tirke herêmanê Zap û Metîna de vera gerîlayan hêriş kena. Nê hêrişê ke xoverdayîşê tunelan û îmhayî hedef kenê rojanê peyênan de zêdîyayî. Çekê qedexeyî zî tede vera gerîlayan her qeyde çekî yenê şuxulnayene. Bi nê hêrişan yeno waştene ke prosese haştîye bêro betalkerdene.  

Ma veng danê pêro hetanê haştîwaştoxan wa vera nê hêrişan tewirê xo ramojnê û wehşetê dewleta tirke ya ke çekanê qedexeyan şuxulnena, vindarnê. Reyna ma veng danê heme dezgehanê xo, kesanê ke hetê haştîye de yê wa vera hêrişanê artêşa tirke yê bi çekanê qedexeyan ê vera Zap û Metîna vejîyê waran.”