HPGyî nasnameyê Fermandar Delîl Temelo ke Qendîl de şehîd bîyo eşkera kerd û vat: ‘’Embaz Delîl bi fedakarî, cuya nefsqije, embazîya samîmî, perwerîya erjanê şarî û cesaretê şerî bi fermandaranê ma yê sembolan ra yew.’’
Merkezê Îrrîbatî û Çapemenîye yê HPGyî nasnameyê Fermandar Delîl Temelo ke Qendîl de şehîd bîyo eşkera kerd. Eşkerayîye wina ya:
‘’Milîtano fedayî yo Apoyî û fermandarê ma yo ercîyaye Delîl Temel 30ê tebaxa 2021î de netîceya hêrişê artêşa tirke ya îşxalkere ya vera Qendîlî de şehîd bi.
Embaz Delîl bi fedakarî, cuya nefsqije, embazîya samîmî, perwerîya erjanê şarî û cesaretê şerî bi fermandaranê ma yê sembolan ê tarîxê têkoşînî ra yew. Embaz Delîl bi tecrubeyanê xo erjê pîlî dayî tarîxê ma yê têkoşînî. Ma soz danê ke têkoşînê ey pîlêr bikerê, vîrameyîşê ci bipawê û armancanê ci ser bivisnê. Ma sere de keyeyê ey rê pêro şarê Botanî yê esîlî û şarê Kurdîstanî yê welatperwerî rê serweşîye wazenê.
Nasnameyê embaz Delîlî wina yo:
|
|
Nameyê Qodî: Delîl Temel |
Embazê ma Delîl Sêrt de dadîya xo ra beno. O bi hîkayeyanê Hemleya 15ê Tebaxe û Fermandar Egîdî beno pîl. O her ke gerîlayan şinasneno binê tesîrê cuya nînan de maneno. Naye ser o 1992 de embaz Delîlî Vakurê Kurdîstanî ra tewrê gerîlayan beno.
O Herêmanê Pawitişî yê Medya de perwerde vîneno û Zagrosan de dest pê têkoşînî keno. Embazê ma vera Komployê Mîyanneteweyîyî tewirêkê xurtî mojneno ra. O tewrê akademîyan beno. Embazê ma wextêk tepişîyeno û keweno zîndanî. La dima ke zîndanî ra vejîyeno ancî verê xo dano koyan. Embazê ma Delîl beno fermandarêko xurt. O 29 serran bêmabên têkoşîn keno û bedelanê giranan dano. Ma soz danê ke ala ey a têkoşînî bi serkewtişî ser bivisnê.’’
