Kongreya Komelê Demokratîkî (KCD) bi wesîleya 8ê Adare Roja Cinîyan ê Kedkaran a Dinya eşkerayîye daye. KCDyî îfade kerd ke cinîyan tarîx de tim vera hîşmendîya camêrdan xo ver da û sere wedarit. KCDyî vat: ''Cinîyan tarîx de bi serewedaritişî û xoverdayîşê xo yê vera hîşmendîya camêrdan mojna ke ê do tewr sereyê xo nêare war.''

KCDyî bale ante tecrîdê Rayberê Şarê Kurdî Abdullah Ocalanî ser û vat: ''Tecrîd şexsê şarê Rojhelatê Mîyanênî de, şarê Kurdîstanî de vera Ocalanî yeno kerdene. Naye ra ganî her kes vera tecrîdî vengê xo berz bikerê.

Ma do têkoşînê xo yê azadîye yê rayberîya Clara, Sara, Sêvê, Arine Mîrkan û Avesta Xabûre de  geş bikerê. Ma sey KCDyî vera zulm, teda, qirkerdiş û polîtîkayanê şerî, bi ruhê xoverdayîşî teqez do ser bikewê. Ma bi nê bawerîye 8ê Adare yê pêro cinîyan fîraz kenê.''