Kongreya Komelê Demokratîkî (KCD) ewro derheqê plananê tasfîyekaran ê Başûrê Kurdîstanî de eşkerayîyêka nuştekîye weşanaye.

Eşkerayîye de nê çîyî ameyî vatene:

''Nê rojan de ke pêro merdimîye vera vîrusê Korona têkoşîn kena Başûrê Kurdîstanîn de mabênê hêzanê sîyasîyan ê kurdan de rewşê balkêşî qewimîyenê. Ma sey kurdan neçare yê ke tarîxê xo ra dersan bigêrê û bi nê hawayî têbigêrê. Ewro şarê kurdî netîceya bedelan û têkoşînan ê pîlan de xo resna warê mîyanneteweyî. Tewr peynî şarê kurdî seba pawitişê erjanê xo Rojawanê Kurdîstanî de 15 hezar ciwanî feda kerdî.

Ma sey Kongreya Komelê Demokratîkî wazenê venga şarê xo û sîyasetê kurdî bidê: partî û têgêrayîşê kurdî ganî pîya têbigêrê, bi ruhê neteweyî her çi ra verî heqanê kurdan biwazê, seba çareserîya hezaran meseleyanê kurdî çareserîyan peyda bikerê, polîtîkayan bivirazê. Ma têgêrayîşanê kurdîstanijan, roşnvîran, hunermendan, nuştoxan, cinîyanê kurdan, dezgehanê sivîlan û karmendanê kurdan ra wazenê ke goş bidê nê vengdayîşî. Alozîya mabênê kurdan nêna qebulkerdene. Nê rojan de ke hewceyê kurdan her çî ra zafêr pê yewîya neteweyîye esto ma venga sîyasetê kurdan danê ke berpirsîyarîye bigêrê milê xo.

Ganî her kes pê bizano ke kaos û alozîyanê herême ra şarê kurdî, haştîya herême do zerra bivînê. Ma venga pêro hêzanê herême danê ke planê xo yê seba herême reyna bifikirê. Ma venga bêbextan danê ke bi serran o ke şarê kurdî seba menfaatanê xo û hesabanê xo xebitnenê. Fek nê karanê gemarinan ê vera şarê kurdî û şaranê cîranan ra vera bidê. Gama na ya tewr bixêre hûrmetê heqê neteweyîya kurdan û paştdayîşê haştîya herême ya.''