Kongreya Komelî ya Demokratîke derheqê qurbanê erdlerzî û vewrêsî de ewro eşkerayîyêka nuştekîye weşanaye. 

Eşkerayîya KCDyî wina ya:

''Dejê erdlerzî nêqedîya ke herêma Miksî ya Wanî ra xebera felaketêkê bînî ameye. Ma merdimanê kesanê ke wefat kerd rê, şarê Kurdîstanî rê serweşîye, birîndaran rê zî şîfa  wazenê.

Wexto ke merdim nê felaketan erjneno ganî têna bi çimeyê 'felaketê xozayî' nêewno tira. Eşkera yo ke peygoşîye û bêtebdîrîya pîle esta. 

Îqtîdarê AKPyî ame a aste ke mîyanê krîzan de seba krîzêkê neweyî ber akeno. AKP herinda ke meseleyan çareser bikero hîna xorin keno. Ganî pêro rayaumûmîye baş bizano ke AKP seba komelî bîyo rîskêko pîl.

Nê esasî ser o ma wazenê pêro rayaumûmîye derheqê vewrêsê Miksî de bi hîsgerîye têbigêra. Ganî her kes paşt bido keyeyanê ke merdimê înan merdî. No seba me tewirêko merdimîye yo.

Ma sey KCDyî seba ke dejê şarê ma pare bikerê qasê di rojan şîn îlan kenê. Ma sere de şarê xo  venga dezgehanê sivîlan û partîyanê sîyasîyan kenê ke şarê Miksî rê hetkarîye bikerê. Şarê Wanî têna do bi sîyasetê samîmîyî, bêmenfaatî û bi ruhê paştdayîşî bêro xo ser.''