Eşkerayîya Konseya Rayberdişî ya KCKyî wina ya:

"Sîstemê dewletperwerî cograyaya xo de dekewte mîyanê krîzêkê pîlî û bi mudaxeleyê hêzanê kapîtalîst-modernîstan no krîz hîna beno xorin. Hêzê herêmî yan zî mîyanneteweyî nêeşkenê Rojhelatê Mîyanênî de seba krîz û meseleyan yew çareserîya pîle pêşkêş bikê ke cara nê hêzî bi xo çimeyê nê krîz û meseleyan ê. Kiştişê Qasim Silêmanî zî na rastîye mojneno ra.  Dima ke bandurîya DAÎŞî amey çinkerdene têkoşînê hêzanê ke wazenê Rojhelatê Mîyanênî de bandurîya xo awan bikê keno ke krîz û şerê dinya yo hîrêyîn hîna bibo xorin. Na rastîye kerd ke têna çareserîya modernîteya demokratîke biba rayîrêk ke hetê Rayber Apoyî ra ameye pêşkêşkerdene. 

Meseleyê Rojhelatê Mîyanênî ne bi neteweperwerîye, ne bi pederşahîye, ne bi sîstemê kapîtalîstî ne zî  bi mezhebîye yenê çarekerdene. Rayîrê çareserîye têna demokrasîyo komelkî yo. Bêguman krîzê sîyasîyî û şerî seba şarî têna bibê netîceyê dejan.  Kiştişê Qasim Silêmanî û Mehdî El Muhendîsî mojnenê ke seba şaran dewro newe do zor bibo.

Ma sey Têgêrayîşê Azadîye yê Kurdîstanî vera mudaxeleyanê teberî û tedaya serê demokrasî û azadîye yê. Meseleyê têna bi demokrasîyê komelkî do bêrê çarekerdene. 

Neteperwerîye û mezhebîye kenê ke Rojhelatê Mîyanênî de mîyanê şaran de cîyabîyayîş û pêkewtişî bêrê kerdene. Naye ra ganî vera mezhebîye û neteperwerîye bêrê vindertene. Çunke nê zîhnîyetî kenê ke teberî ra mudaxeleyî bêrê kerdene û no zî zerar dano şaranê Rojhelatê Mîyanênî.

Dewleta tirke zî sey her wextî xîret kena ke nê pêkewtişan û hêrişan ra fayda bivîna. Dewleta tirke vana ma vera sûîkastan, mudaxeleyê teberî yê la nê vatişê ci têna demagojî yo. Eqsê ci dewleta tirke bi nê pêkewtişan û hêrişan şay bîye ke sûîkast û hêrişê ci zî bîyî normal û meşrû.

Averberdişê têkoşînê demokrasîyî zaf girîng o. Têna komelê demokratîkî eşkenê kayê hêzanê teberan û mudaxeleyê înan eşkera bikê. Têna bi nê hawayî Rojhelatê Mîyanênî de aramîye û haştîye do bêrê awankerdene. Nê bingeyî ser o demokrasî û biratîya şaran do bibê cewabê şerê dinya yê hîrêyînî û mudaxeleyê hêzan ê teberan. Demokrasî û biratîya şaran têna rayîrêk ê ke do sûîkastan, mudaxeleyan û pêkewtişan çin bikê.''