Selahîyetdaranê Wezîrîya Karanê Teberî ya Amerîka derheqê qewimîyayîşanê ke rîyê hêzê çekdarî ke PDKyî şawitî waranê gerîlayan ciwîyaye de eşkerayîye daye bî. Komîteya Têkilîyanê Teberî ya KCKyî bi eşkerayîyêka nuştekîye cewabê înan da.

Eşkerayîya KCKyî wina ya:

''4ê teşrîna peyên a 2020î de PDKyî vera herêma Garê operasyonêk kerd. Gerîlayê Azadîye yê Kurdîstanî seba ke pêkewtişêk meqewimîyo bi hesasîyetê pîlî nizdîyê ci bîyî. La rixmê heme cehdkerdişê gerîlayan PDKyî operasyon de israr ked û no zî bi sebebê vînbîyayîşê ganî. Berpirsîyarê naye zî bi temamî o îredeyo ke hêzê çekdarî şawit.

Proseso ke heme rayapêroyîya Kurdîstanî, sîyasetmedarî, roşnvîrî, rayberê dînî huzur û dîyalog pawene de hetkarê vervatoxê Wezîrîya Karanê Teberî ya Amerîka herinda qedînayîşê têmîyankewtişî berpisîyarîye ra dûrî, sey paştdayîşê cesaretdayîşê hêzanê ke wazenê kurdan biverdê pê eşkerayîyêke daye ke verê pêkewtişan akena.

Na eşkerayîyêka provokatîf a ke raştîye ra dûr a. Amerîka herinda rexnêkerdişê sewqîyatê leşkerî yê dewleta tirke ya vera Başûrê Kurdîstanî û Iraqî de paştî daye ci. Amerîka rê bêvengîya vera operasyonê îşxalî yê dewleta tirke û sûcê şerî yê Erdoganî qîym nêkena, eynî wextî de paştî dana sîyasetê şerî yê PDKyî. Bi nê tewirê xo cehd kena ke mabênê hêzanê kurdan de pêkewitş vejîyo.

Ma eşkerayîya hetkarê vervatoxê Wezîrîya Karanê Teberî ya Amerîka rexnê kenê û sere de şarê Başûrê Kurdîstanî heme hêz û hetanê sîyasîyî, roşnvîran ra wazenê ke wa vera eşkerayîya provokatîfe hîşyar bê û semedê çareserkedişê probleman zafêr cehd bikerê.''