Hemserekîya Konseya Rayberdişî ya KCKyî derheqê destsernayîşanê şaredarîyan de eşkerayîyêke daye.

Eşkerayîya Hemserekîya Konseya Rayberdişî ya KCKyî wina ya:

''Dinya û şarê kurdî vera vîrusê Korona derdê ganê xo de yê la îqtîdarê AKP-MHPyî seba ke payan ser o vindero hêrişê xo yê vera kurdan û hêzanê demokrasîyî dewam keno. Weşîya merdiman xemê nê îqtîdarî nîya. Înan vera vîrusî tebdîrî nêgirewtî û wasfê xo da ke Tirkîya de vîrus çin o. Bi zûran raştî mîyan kerdî. Peynî de vîrus pêro Tirkîya de vila bi.

Şerê vera kurdan û hêzanê demokratan û dewamê îqtîdarê xo ra ber yew derdê nînan çin o. Nika zî kerd ke şarê Tirkîya rastê tehlukeyêkê winasênî bibo. 

Erdogan herinda ke weşîya şarî de eleqedar bibo rojdemê Tirkîya pê şerî kerd de.

Îqtîdarê AKP-MHPyî vîrusê Korona sey firsendêk vîneno û seba polîtîkaya qirkerdişê kurdan xebitneno. Şarê kurdî û şaredarîyan seba ke verê vîrusê Korona bigêrê bi paştdayîşî xebitîyayêne. La 8 hemşaredarî ameyî tepiştene, herinda nînan de qeyûm ame tayînkerdene. Merdimî peyê ganê xo de yê la no îqtîdar hema zî vano ke 'wa kurdî dadîyanê xo nêvînê.'  Şar vano ke na rewşe de no nêno kerdene la na raştîya îqtîdarê AKP-MHPyî ya. Dinya qet vîrusêk zî hende dişmenîya merdimîya nîyo. Çunke nê îqtîdarî de exlaq, wijdan, merdimîye çin ê. 

Rojdemê her kesî de vîrus esto la îqtîdarî armanc kerd ke kurdî travmaya psîkolojîke biciwîyê. Waşt mesaj bido kurdan ke o her wext û her ca de eşkeno hêrişê kurdan bikero, kurdî ya teslîm benê yan zî nêeşkenê bixelisê.

Şarê ma Newroze bi hawayêkê aktîfî fîraz kerde. Îqtîdarî seba ke na coşîya şarê ma bişikno û hesabê ci biperso no hêriş kerd.

Hêrişê îqtîdarî yê vera şaredarîyan hetê xeylêk kesan ra sey dişmenîya kurdan ameye pênase kerdene. No tesbîtêko raşt o. Ganî şarê ma vera na dişmenîye xo rêxistin bikero û têkoşîn bikero.

Bi vîrusê Korona am rojdem ke tepişteyî bêrê veradayene. La tepişteyê sîyasîyî tede çin ê. Goreyê nê îqtîdarê faşîstî ê nêweşîye ra bimirê! Çunke se ra 90ê nê tepişteyan kurd ê. 

Ganî raştîya nê îqtîdaro ke şarê Tirkîya maruzê nê vîrusî keno, verdeno ke tepişteyê sîyasîyî bimirê, vera vîrusî tebdîran nêgêno, herinda hemşaredaran de qeyûman tayîn keno, hol bêra zanayene. Ganî nê polîtîkayê hêrişkerî yê îqtîdarî bibê wesîle ke şar hîna bihîş bibo, paştî bido yewbînan û vera nê îqtîdarî têkoşînê xo berzêr bikero.

No îqtîdar seba şarî vîrusêko tewr bitehluke yo. No vîrus netîceya krîzê ekolojîkî yê kapîtalîzmî de vejîya werte. Îqtîdarê AKP-MHPyî zî bi zanayîşî dişmenîya kurdan, demokrasî û merdimîye keno. . Ganî şarê ma vera nê vîrusê dişmenîya merdimîye û kurdan xo rêxistin bikerê, paştî bidê yewbînan û bi têkoşînê xo hînî na bela sereyê xo ra bifetilno.''