KCK: Ganî verba dewleta Tirkî cepheyo demokratîk bêro ronayene

KCK: Roje roja serewedaritiş a, roja çinkerdişê faşîzmê AKP û MHP'yî ya. Ma veng danê pêroyê kesan ke wa mabênê nê xoverdayîşê tarîxî de ca bigêrê û dewrê Şaristanîya Demokratîke biafernê.

Hemserekîya Konseya Rayberdişî ya KCK’yî derheqê tehdîtanê hêrişî yê serê Vakur û Rojakewtena Sûrîye de eşkerayîyêka nuştekîye weşane.

Eşkerayîya KCK'yî de nê çîyî ameyî parbekerdene:

"Dewleta Tirkî ya mêtingere bi serran waşt pêroyê çeteyê DAÎŞ'î Şorişê Rojawanî bixeniqne û Îdareyo Xoser ê Vakur û Rojakewtena Sûrîye tasfîye bike. Dewleta Tirkî xîret kena sîstemo demokratîk ê Vakur û Rojakewtena Sûrîye birijno û wazena sîstemo qirker o faşîst serê payan bikere. Şarê Vakurê Sûrîye yê ke   verba DAÎŞ'î 10 hezar şehîdî û 20 hezar gazîyê înan estê, dewleta Tirkî ya îşxalkare hêrişê înan kena. Êyê ke cesaret danê înan Trûmp o ke îdîa keno ey DAÎŞ çin kerd. Vejîyayo meydan ke peymana mabênê DYA û Tirkîya ya qaşo seba asayîşê sînorî ya, bîya peymana ke verê îşxalkarîye akena. Dewleta Tirkî xelet kena û ceza dana şaranê Vakurê Sûrîye yê ke verba DAÎŞ'î 10 hezar şehîdî dayê.

Dimayê krîzê sîyasî yê Sûrîye El- Nusra û DAÎŞ'î hêriş kerd û her cayê Sûrîye ser û bin kerdî, şarê Kurdî wurişt ser payan û dewan û şaristanan de xoîdarekerdişî saz kerd. El Nusra û DAÎŞ'î hêrişê înan kerd. Bi xverdayîşê Kobanê DAÎŞ ver bi çinbîyayîşî şîyo. Eke şorişê Rojawanî û xoverdayîşê şaran ê Vakurê Sûrîye nêbibîyêne, pêroyê Sûrîye do kewtêne destê çeteyan. Sazkerdişê sîstemo xoser ê Vakur û Rojakewtena Sûrîye yeno menaya pawitişê yewîya sîyasî û pawitişê erdê Sûrîye. Naye ra Tirkîya Vakur û Rojakewtena Sûrîye tehdît kena, sey Efrînî sîstemo demokratîk rijneno û şarê nê cayan koç keno.

Hêrişê dewleta Tirkî verba Vakur û Rojakewtena Sûrîye yeno menaya ke hêrişê pêroyê şaran ê Sûrîye û Rojakewtena Mîyanêne bêrê kerdene. Ganî şarê Sûrîye û şarê Rojakewtena Mîyanêne sere de pêroyê merdimîye xo ver bidê. Senî ke verba DAÎŞ'î îttîfaqê pawitişê erjî yê merdimîye ame kerdene, ganî nika zî verba îşxalkarîye dewleta Tirkî cepheyo demokratîk bêro sazkerdene. Hêrişê dewleta Tirkî verba şarê Kurdî yo. Her destkewteyê parçeyêkê Kurdistanî hêzê Kurdan xurt keno. Ganî şarê ma yê her parçeyê Kurdistanî wurzo payan ser û paşt bido şarê Vakur û Rojakewtena Sûrîye. Tewrêbîyayîşê xoverdayîşî yê verba dewleta Tirkî zî tede her tewir hetkarîye bike. Roje roja serewedaritiş a, roja çinbîyayîşê faşîzmê AKP û MHP'yî ya. Ma veng danê her kesî ke wa mabênê nê xoverdayîşê tarîxî de ca bigêrê û dewrê Şaristanîya Demokratîke biafernê."