Heserekîya Konseya Rayberdişî ya KCKyî derheqê hêrişê vera goristanan de eşkerayîyêke daye û nê vatî:

Vera erjê merdimîye hêrişo xofdar yeno kerdene

''Dewleta tirke erjê tewr bigeyênî yê merdimîye merde û goran rê hêriş kena û bi  tewirêkê xofdarî hurmetê vera merdayan binpay kena. Xora çîyêko winayên dinya de têna dewleta tirke û DAÎŞ ê ke her hetî ra sey yewbînanê êyê kenê. Qet cayêkê dinya de çîyo wînayên çîn o.  Dewleta tirka ke vera ermenî û suryaniyan qirkerdiş kerd wazena ke kurdan zî qir bikero. Semedê naye zî hêrişan de sînor nas nêkena.

Wazenê ke  kurdan çîn bikerê

Ewro metîyîtan rê îşkence yeno kerdene, goristanî raştê herişan yenê û meyîtî goran ra yenê vetene. Zîhnîyeto faşîst bi nê caardişan wazeno ke peynîya kurdan bîyaro. Tehamulê înan vera kurdanê xoverdayoxan çîn o. Wazenê ke kurdan biqedînê. Senî ke gorê Şêx Seîd, Seyîd Riza û embazanê înan ameyî nimitene bi eynî waştişî ewro zî hêrişê vera goristanan kenê.

Ganî ma zafêr wayîrê kurdîya xo bivejîyê

Nê hêrişî têna vera goran nêbenê, eynî wextê de vera heme kurdan benê. Hêrişî vera estbîyayîşê kurdan ê. Hêrişê vera têkoşîn û waştişê azadîye kurdan ê. Bi nê hêrişanê sadîstan wazenê ke kurdan heqanê înan ê tewr bigeyênan ziwan, kultur û azadîye ra raqilnê. Vera nê hêrîşan kurdî ganî zafêr wayîrê kurdîya xo bivejîyê  ke no zî bi  xoverayîşî beno.

Ganî têkoşîn bêro girdkerdene

Seba ke Rayberê Şarê Kurdî Abdullah Ocalanî PKK awan kerd û ramojna înan ke kurdî nêmerdî û semedê heqanê xo têkoşîn kenê dişmenîya tewr gird kenê. Wazenê ey hucreyê yewkesîye de ganî-ganî bikerê gorî. Hetê bînî ra zî bi polîtîkaya qirkerdişî hêrişê goran kenê. Ganî heme kurdî vera naye tewirê xo ramojnê. Têna welatperwerî nê, heme kurd, tirk, ermenî, suryanî, ereb, çerkezî yê ke vanê ez musluman, xirîstîyan, êzidî û elewî ya ganî vengê xo berz bikerê û bi xurtkerdişê têkoşînî cewabê nê hêrişan bidê.''

Gerîla derbanê girdan dano dişmenî ro

KCKyî bale ante ke vera hêrişê dewlete xoverdayîşê gerîlayan zî bi girdkerdişî dewam keno û vat: ''Demo nizdî de Bedlîs, Amed, Serhad, Gever, Botan, Heftanîn û Mêrdîn de gerîlayan derbeyê gîrdî dayî dişmenî ro. Ma semedê nê çalakîyanê serkewteyan înan firaz kenê û têkoşînê înan silam kenê.''