Hemserekîya Konseya Rayberdişî ya KCKyî derheqê hêrişê vera Mexmûr  û Zinê Wertê de eşkerayîyêke daye û ercnayîşê girîngî kerdî.

Eşekrayîya KCKyî ra tayî cayî wina yê:

Seba ke şarê Mexmûrî Rayber Apoyî rê girêdayeyo PDK hêrişê ci keno

''Şarê Mexmurî 2014 de vera hêrişê DAÎŞî berê Hewlêrî pawit û destûr nêda çeteyan. Tewirê PDKyî yê vera Mexmûrî qet kurdêk/e û kesa/o wayîrê vîjdanî qebûl nêkena/o. Seba ke şarê Mexmûrî Rayber Apoyî rê girêdayeyo PDK nê qebûl nêkeno û wazeno ke nê şarî teslîm bigêro. Şarê Mexmûrî vano ke seba ke înan waştişê PDKyî nêardî ca hetê dewleta tirke ra yenê pirodayene. Şarê kurdî yê çar leteyanê Kurdîstanî wazeno ke wa ambargoyê serê Mexmûrî bêro wedartene û hêrişê dewleta tirke yê vera înan bêrê vindarnayene.

Wertê de Rojhelat, Rojawan û Vakurî ra hîrê gerîlayî şehîd bîyî

Hêrişê teyarayan ê vera Zinê Wertê ke PDKyî tede baregehê peşmergeyan awan kerdo de Rojhelat, Rojawan û Vakurî ra hîrê gerîlayê ma  şehîd bîyî. Hîrê gerîlayê ke şîyî kampa peşmergeyan û înan ra vat ke ûca de mendişê înan raşt nîyo gama ke agêrayî rojêke dima ra teyarayanê şerî nuqtaya înan ser o bombayî varnayî û her hîrê gerîlayî şehîd bîyî. No hêriş netîceya gerreyî de ameyo kerdene. Eşerayo ke kampa PDKyî ra gerreyê gerîlayan ameyo kerdene.

Ma wazenê ke pêkewtişê mabênê partîyanê kurdan biqedîyê

PDK nuqtaya ke waranê gerîlayan rê hekîm a de ameyo cakerdene. No yeno na mana ke înan pîya bi dewleta tirke semedê hêrişê vera Qendîlî pêkerd o.  Xora heta ke dewleta tirke PDKyî ra paştî megîro nêeşkena hêrişê Qendîlî bikero. Eke planê hêrişî çînbîyêne Wertê nêameyêne tepiştene. Dewleta tirke semedê tasfîyekerdişê Têgêrayîşê Azadîye yê Kurdan çîko destê ci ra yeno kena. Ça de destkewteyêke kurdan bibo hêrişê ci kena.Şarê kurdî badê refarandûmê Başûrê Kurdîstanî yê 2017î de tewirê tirkan zaf rind û do çirey xo vîrî ra nêkero. Dewleta tirke semedê destkewteyanê kurdan destê ra bîgêro wazena ke kurdan biverdo  yewbînan. Ma çirey nêwazenê têgêrayîşê de bikewo pêkewtişî. Ma wazenê ke pêkewtişê mabênê partîyanê kurdan biqedîyê. Rixmê xeylêk gamanê negatîfan ma no hesasîyetê xo pawit. La no kerdişê PDKyî nêno qebûlkerdene. Xora YNKyî zî vera naye nêrazîbîyayîşî xo ramoto.

Ganî vengê nêrazîbîyayîşî bêrê berzkerdene

PDK bi cakerdişê Wertê vera gerîlan dest bi şerî kerdo ke feydeyê naye têna dewleta tirke rê esto. Peyser ancîyayîşê înan semedê şarê kurdî bifeyde yo. Şarê ma û heme rayapêroyîya demokratîke înan ra naye paweno. Ganî şarê kurdî û dostê înan vera nê tewirê PDKyî yo ke xetaya tarîxîye ya de vengê xo berz bikerê. Bêşik o ke ma hema PDKyî ra nêzdîbîyayoşê raştî pawenê. Ma hevî kenê ke ê gamêka xeletê nêerzenê û dişmenanê kurdan  şa nêkenê. Waştişê ma oyo ke bi şehadetê gerîlan pêkewtiş mevejîyo, wa  bibo wesîleyê rewşeka hole. Ma bawer kenê ke heme hêzê sîyasîyî yê kurdan, şarê kurdî û dostê ma rolê xo kay kenê û ma keyeyanê şehîdanê xo yê Mexmûr û Wertê û şarê kurdî rê serweşîye wazenê.''