Hemserekîya Konseya Rayberdişî ya KCKyî derheqê çalakîyanê 2yê Teşrîna Peyêne ya Roja Rojawanî ya Cîhanî de beyanatek  weşana.  

Beyanat wina yo: 

"Vera galê îşxalkerî ê Dewleta Tirkan ê kedwer û qirkerî yê vera Rojawanî, senî ke şarê kurdan wirzeno payan ser, merdimîya demokratîke zî paştgîrîya xoverdayîşê Rojawanî kena. Merdimîye, kurdî û birakê înan do na paştgîrîye 2yê teşrîna peyêne de her cayê dinya de nîşan bidê. Ma merdimîya ke 2yê teşrîna peyêne de pêroyê dinya de do wirza payan ser bi hurmet selam kenîme û nîşan kenîme ke paştgîrîya înan bingeyê azadkerdişê Rojawanî, Vakur û Rojhelatê Surîye û azadkerdişê Surîye û Rojhelatê Mîyanenî de do roleko girîng kay bikero. Nê bingeyî ser o ma na bawerîye de yîme ke kurdî û birakê înan û merdimîya demokrate do 2yê teşrîna peyêne de bi hawayeko xurtî wirzê payan ser û rastîya “dinyayeka bîne mumkun a” ya ke Rojawanî de ameya ra, seba pêroyê dinya bivurnerê bikerê hêvîyek. Payan ser wariştişê kurdan û merdimîye de rol û keda hunermendanê kurdan û hunermendanê demokratîk ê her hetê dinya girng o. Na yewe ra serkewte ma hunermendanê kurdan û hunermendê ke her hetê dinya de bîyê wîjdanê merdimîye bi hurmet û mlinete selam kenê. 

Nêzdîyîya hunermendanê kurdan zaf girîng a ke demê xoverdayîşê Rojawanî de amey pêser û yew helwesteko hempar  nîşan da. No helwestê hunermendanê ke wîjdanê şarê kurdî yê û afirnayoxê cuya newe yê, do yewîya şarê kurdî û xoverdayîşê hemparî ser o tesîr bikero. Tevgerê sîyasî yê kurdan nêeşkeno vinetişê hunermendan, roşnvîran û nuştoxan çiman vera  vîndî bikero ke ê afirnayoxê hîsanê demê ameyoxî yê azad ê şarê kurdan ê. Eke hunermendê kurdan wîjdanê şarî bê, êdî mesuldarê hêzanê sîyasî yê kurdan ganî na çarçewa de tevbigere.

Seba paştgîrîya xoverdayîşê Rojawanî pêserameyîşê hunermendanê kurdan, seba xoverdayoxan helwestê înan o hempar, şarê kurdan rê bi taybetî zî şarê Rojawanê Kurdîstanî rê bîyo moraleko pîl. Ma pêro hunermendanê kurdan nê helwestê înan ra serkewte pîroz kenê. Ma reyna nîşan kenê ke helwestê înan xoverdayîşê azadîye yê kurdan de çimeyo bingeyên ê hêzî yo; nê vinetişê înan bi hurmet selam kenê û kar û cadkerdişê înan de serkewtiş wazenê. Yewîya hunermendan û afirnayîşê hîsê hempar ê kurdan de serkewtişê înan do bibo serkewtişê şarê kurdan.”