Hemserekîya Konseya Rayberdişî ya KCK’yî bi wesîleya 4’ê Nîsane serrgêra bîyayîşê Rayberê Şarê Kurdî Abdullah Ocalanî eşkerayîyek daye.

KCK’yî rojbîayîşê Ocalanî pîroz kerd û nê pare kerdî: ''Bîyayîşê Rayber Apoyî ya pîya şarê Kurdî dinya rê çimê xo newe ra akerdî. Bîyayîşê Rayber Apoyî newe ra bîyayîşê Rojakewtena Mîyanêne û cinîyan o. Bêşik o ke Rayber Apo tarîxê Kurdan û Rojakewena Mîyanêne bedilna. Semedê heme merdimîye zî rolê xo do kay bikero. Rayber Apo  ko mana u bimbarîkîye dayo emrê merdimî, cuya bi xo yo. Goreyê Rayber Apoyî bîyayîşê her merdimî bimbarek o û heme merdimî ganî bi heqanê xo seypê biciwîyê. Rayber Apo bi cuya xo semedê her kesî bîyo nîmûne. Semedê Rayber Apoyî Kurdî û heme merdimîye bierj ê. Çoka serede hetê şarê Kurdî, her hetî ra wina zaf yeno heskerdene. Felsefe û mucadeleyê ey şarê Kurdî wirznayo lingan ser û kerdo şarêk o  ke semedê azadîya xo şer keno. Reyna raştiya  cinîya azade vete werte û semedê naye mucadeleyo gird da. Eke Ewro cinî û ciwanê Kurdan semedê ey xo feda kenê, sebebê naye Rayber Apoyî  înan rê zaf çî dayo qezenckerdene. Rayber Apo rixmê şertanê tecrîdî  her helê xo semedê Kurdan û heme şaranê bindestan  xerc keno. Wazeno ke semedê azadîya înan rayîr abikero.

Gama ke Rayber Apo bi komploya mîyanneteweyî ame girwtene şarê Kurdi bi vatişê ‘Şima nêeşkenê tîja ma tarî bikerê‘ dormeyê ey de çemberê adirî girewt. Bi desan Kurdan semedê ey xo feda kerd. Ewro zî semedê şiktişê tecrîdî û rijnayîşê faşîzmê AKP-MHP’yî  bi hezaran fedaîyî xeta Rayber Apoyî de xover danê.  Leyla Guvene, hemrayê ma yê zîndanan û Ewropa semedê dayîşê deynê xo ê Rayber Apoyî cuya xo feda kenê. Leyla Guvene vana ke seke mi fîkrê Rayber Apoyî şinasnayî ez  o wext raştî de aferîyaya. Semedê heme Kurdan na raştîye wina ya. Şarê Kurdî bihers û bizanayîş xo serhildananê girdan rê hadre keno. Kes nêeşkeno bîyayîşê 4’ê Nîsane bido vîrakerdene û vînkerdene.  No bîyayîş wexto tewr teng de beno îradeyî xoverdayîş û hêzî. Ma veng dane heme şarê xo û hêzanê demokrasî  yê ke Rayber Apoyî rê zaf çî deyndarê, 4’ê Nîsane de wa mucadeleyê şiktişê tecrîdî û rijnayîşê faşîzmî xurt bikerê û berpirsîyarîya xo bica bîyarê.‘‘