Hemserekîya Konseya Rayberdişî ya KCK’yî  bi eşkerayîyêka nuştekîye cewab da vengdayîşê Kongreya Neteweyî ya Kurdistanî (KNK) yê semedê yewbîyayîşê partî û têgêrayîşanê Kurdan.

KCK’yî xebatê KNK’yî pîroz kerd û vat: ’’Ma soz danê ke ma do berpirsîyarîya ke kewena ma bica bîyarê. Seserr a 20 ‘ine semedê Kurdan bi qirkerdiş, zilm û zordarîye ravêrt. Vera naye xoverdayîşê estbîyayîşê Kurdan zî timûtim dewam kerd. Kurdî her hetî ra bihêz kewtî seserr a 21’ine. Dişmanê Kurdan ê ke vînenê ke Kurdî Şerê Dinya yê 3’ine yo ke Rojakewtena Mîyanêne de yeno domnayene ra bihêz vejîyenê, hêrişê mucadeleyê azadîye yê şarê Kurdî kenê. Îtîfaqo faşîst yê AKP-MHP’yî  her ca de destkewteyê Kurdan kerdê hedefê xo. Vakurê Kurdistanî de bajarî rijnayî, vêşnayî, hêzê sîyasî û welatperwerî tepiştî eştî zîndanan. Vera Kurdan polîtîkaya qirkerdene rayra benê. Başûrê Kurdistanî îradeyê şarî nêvînayîş ra yeno û îşxalê xo her roje hîna hîra beno. Mexmûr û Şengal her roje yenê bombardûmankerdene.

Sere de dewleta Tirkî yê ke wazenê destkewteyanê Kurdan dest ra bîgêrê tewr zaf cîyavindetişê partî û têgêrayîşanê sîyasîyan ê Kurdan ra paşt genê. Wazenê ke têgêrayîşanê Kurdan bîyanê ver bi yewbînan û mabênê înan de şer vejê. Coka roja ma ya ke hendê firsendan tehlukeyî zî estî de yewbîyayîşê Kurdan zaf muhîm o. Eke Kurdî pîya tê bigêrê kewenê ser. Ma sey KCK’yî vengdayîşê Kongreya Neteweyî ya Kurdistanî (KNK) zaf muhîm vînenê û vanê ke ma semedê caardişê waştişanê şarê xo amade yê. Ma soz danê ke ma do naye bi tewir û pratîkê xo ramojnê.’’