Komîteya Tekîlîyanê Teberî ya KCKyî derheqê pêkerdişê Iraq û Hukmatê Başûrî yê derheqê Şingalî de eşkerayîye daye û nê parî kerdî.

''9ê teşrîna verêne de Hukmatê Iraqî û Hukmatê Başûrê Kurdîstanî da pêhesnayene ke înan derheqê ameyoxê Şingalî de pê kerdo. Detayê  pêkerdişî hema nêameyî eşkerakerdene la goreyê eşkerayîya Meclîsê Xoserî yê Dêmokratîkî yê Şingalî pêkerdişî ra hayîya înan çîn a, bê îradeyê înan ameyo kerdene. Meclîsî da zanayene ke coka ê nê pêkerdişî qebul nêkene. Dima pîya şar û partîyanê êzdîyan xeylê parlamenteran û eşîraqanê Iraqî zî paştî daye înan. Ma zî paştî danê Îdareyê Xoserî ke îradeyê şarî temsîl keno.

3ê tebax a 2014 de gama ke DAÎŞî hêrişê şarê ma yê êzidî kerd nê hêzananê ke şarê êzidî qirkerdiş û fermanî rî bi rî verda nika domanê Şingalî ke Şingal xelisnayo  înan sey teberê qanûnî name kenê û wazenê erdî ci ra vejê. Pênasêko winayên nîno qebulkerdene. Meclîsê Xoserî yê Dêmokratîkî yê Şingalî fermî yo. înan ê ke şarê êzidî  qirkerdiş û fermanî rî bi rî verda û remayî, înanê ke şarê êzidî pawit sey ''hêzo ke ganî vejîyo'' name kenê. No ne sîyasî ne ehleqî, merdimî û vîjdanî yo. Êyê ke bîyî sebebê cinîyan ê êzîdyan ke bazaranê koleyan bêrê rotene nêeşkenê derheqê şarê êzidî û Şingalî de qerar bigerê. Xora vatişê binê çimdarîya  Neteweyê Yewbîyayeyî (NY) de ame kerdene yewna felaketa pîl a. No yeno no mana ke do qirkerdişê vera êzidîyan dewam bikerê.,

Çapemenîya PDKyî  ya sey merkezê şerê taybetî propaganda kena, vana hêzê PKKyî do tîya ra vejî. No zî amancê nê pêkerdişî fîneno çiman ver.  Dima ke gerîlayanê HPGyî yê şarê ma yê êzidî ferman ra xelsina wezfîfeyê xo teslîmê hêzanê YPŞ-YJŞyî kerd ke şarê êzidî ra yenê raameyene. Ma nê eşkerayîyê ke leteyêke propagandaya leymin û sîyaye yê Tirkîya yê şermezar kenê. Ganî Îdareyo Xosero ke ke îradeyê şarî temsîl keno nê pêvînayîşan de ca bîgero. Pêkerdişê ke îradeyê şarê Şingalî tede çîno bitehluke yê û nêno qebulkerdene. Şarê ma genî her cade vera nê tewirî nêrazîbîyayîşî xo ramojno.''