KCK: Semedê pêvînayîşê Rayber Apoyî ganî têkoşîn bêro xurtêrkerdene

KCKyî ard ziwan ke sîstemê îşkence û tecîdî yê Îmraliyî kewto merhaleyêka newî û vat: “Heta ke CPT eşkerayîye bido û avûkatî Rayber Apoyî dir pêvînayîş bikerê ganî her kes pê ruhê seferberîye tewrê çalakîyan bibo.”

Hemserekîya Konseya Rayberdişî yê KCKyî derheqê tecrîdê serê Rayberê Şarê Kurdî Abdullah Ocalanî de eşkerayîye daye û nê vatî:

 “Avûkatanê Rayber Apoyî da pêhesnayene ke CPTyî zîyaretê xo yê êlula 2022yî yê Îmraliyî de Rayber Apoyî dir pêvînayîş nêkerdo. CPTyî rixmo ke pêvînayîş nêkerdo, senî ke pêvînayîş kerdo mojna rayrapêroyîye. No zî rewşa girane ya Îmraliyî fîneno çiman ver. Wazenê ke şarê kurdî û rayapêroyîye bixapînê. Tewirê CPTyî mojneno ke hinda rewşe qisawetê weşî û cuyaya Rayber Apoyî ra wetêr a. Na rewşêka nêwîya ke resaya sînorê tehlukeyî. Hinda cuya û weşîya Rayber Apoyî bi qetî binê tehlukeyî de ya. CPTyo ke wezîfeyê ci astengkerdişê îşkenceyî yo, tecrîd îşkenceyê Îmraliyî sey çîyêkê meşrûyî ramojeno.

 Eke qala kurdan û Rayber Apoyî bibo CPT zî tede dewletî û dezgehê Ewropa dirîye kenê. Ehleq û huqûqî goreyê menfeatê xo şuxulnenê. Sere de CPT û Mehkemeya Heqanê Merdiman a Ewropa, dezgehê eleqedarî  bi nê tewiranê xo benê hemkarê qirkerdişê vera kurdan. Xora nê dezgehî berpirsîyarê sîstemê tecrîd û îşkenceyî yê Îmraliyî yê.

CPT hem derehqê zîyaretî de eşkerayîye nêda hem zî şar xapîna. Çîyo winayên nîno qebulkerdene. Ganî cade derheqê rewşa Rayber Apoyî qewimîyayîşê Îmraliyî de eşkerayîye bido. Ganî şarê kurdî û dostê înan tewirêkê xurtî bimojnê ra û wayîrê Rayber Apoyî bivejîyê. Seba ke tecrîd bêro şikitene û cuya Rayber Apoyî binê tehlukeyî ra vejîyo, ganî têkoşîn bêro xurtkerdene. CPT ganî cade eşkerayîye bido û avûkatê Rayber Apoyî cade şirê Îmrali pêvînayîş bikerê. Heta ke nê waştişî bêrê caardene ganî çalakîyî bi zêdîyayîşî dewam bikerê.

Şarê kurdî pê têkoşîn û xoverdayîşî estbîyayîşê xo pawit. Çîyo ke fîna dest pê têkoşînî bi.Rayber Apo zî mîmarê nê têkoşînî yo. 24 serrî yo Rayber Apo vera sîstemê îşkence û tecrîdî xover dano. Sere de Vakurê Kurdîstanî ganî çar parçeyan û teberê welatî de heme şarê ma wirzo payan ser.  Ma veng danê kurdan û dostanê înan ke wa her cade vera sîtemê tecrîd û îşkenceyî wirzê payan ser. Heta ke cuyeya Rayber Apoyî binê tehlukeyî de bi, ganî çew cayê xo de mevindo, her kes pê ruhê seferberye têbigêro.”