Hemserekîya Konseya Rayberdişî ya KCKyî derheqê Qirkerdişê Mereşî de eşkerayîyêka nuştekîye weşanaye û nê pare kerdî:

"Serrgêra 41. a Qirkerdişê Mereşî de pêro kurdê elewîyî û şorişgêrê ke şehîd bîyî ma bi rêzdarî yad kenê û ma sonda wanenê ke ma do vîrameyîşê înan têkoşînê xo yê Kurdîstanê Azadî de bidê ciwîyayene. Bi Qirkerdişê Mereşî zemînê faşîzmê 12ê êlule ame amadekerdene. Bi ney qirkerdişê elewîyan ame geşkerdene. Mereş de nufusêko pîl ê elewîyanê kurdan estbi. Qirkerdişê Mereşî ra dima şaristan de kurdê elewîyî nêmendî, pêro şarîstan ra şîyî. Nê qirkerdişî têna Mereş ser o ney, nufusê elewîyan ê Vakurê Kurdîstanî ser o zî tesîr kerd. Qirkerdişê Mereşî 1978 de bi qirkerdişê elewîyanê rojawanê Firatî binetîce bi. Qirkerdişo fîzîkî bi zaf metodan, bi koçberkerdişan ame dewamkerdene, no cogrfaya kurdan û elewîyan ra ameye vîrkerdene.Yadkerdişê Qirkerdişê Mereşî ganî bi têkoşînê vera qirkerdişî, bi vindarnayîşê qirkerdişan bêro kerdene. Ganî hînî elewîyî abigêrê erdê xo ser ke rîyê qirkerdişî ra teriknabi. Sere de Mereş agêrayîşê dewanê Meletî, Sêwaz, Erzîngan, Semsûr û Dêrsim berpirsîyarîya tarîxî ya elewîyan a. Qirkerdişê Mereşî ganî têna sey qirkerdişê kurdanê elewîyan nêro dîyene. Rojawanê Firatî de ke bi serran kulturê elewîyan ameyêne awankerdene û dewamkerdene, bi temamî qirkerdişê elewîyan de ame kerdene.  Sergêra 42. a Qirkerdişê Mereşî de ma bawer kenê ke no qirkerdiş bi temamî ame famkerdene û nê bingeyî ser o têkoşîn do her hetî ra bêro dewamkerdene. Ma sond wanenê ke Mereş zî tede pêro rojawanê Firatî ma do reyna bikê cografyaya elewîyan û kurdan.‘‘