KCK’yî ra mesajê menga Muharremî

Komîteya Şaran û Bawerîyan a KCK’yî bi wesîleya tepiştişê rojeyî û vilakerdişê loqmayê aşûreyî yê Elewî û Muslumananê Şîîyan ê ke semedê yadkerdişê xoverdayîşê Kerbelayî yenê kerdene, mesajêk weşana.

Komîteya Şaran û Bawerîyan a KCK’yî bi wesîleya menga Muherremî eşkerayîyêk daye û  ê ke bi îbadetê xo ewro xoverdayîşê Kerbelayî danê ciwîyayene silam kerdî.

Eşkerayîye ra tayî cayî wina yê: ‘‘Rojakewtêna Mîyanêne de xoverdayîşanê tewr muhîman ê vera zulmî ra yewê zî Kerbela de vera Yezîdî, Îmam Huseyîn û hemrayanê ci dayo. No xoverdayîş ruh û hişmendîya  şaran a edalet, seypêyî û azadîye de dereceya bimbarekîye de ame cakerdene. Xoverdayîşê Kerbelayî mucadeleyê şaranê ma yê azadîye de mîrasêko bimbarek verdayo. Coka Îmam Huseyîn mucadeleyê Rojakewtêna Mîyanêne de xêzêk o. Ê ke rêça Îmam Huseyînî de yê ça beno wa bibo, kam ra yeno wa bêro vera neheqîye û zulmî de mucadele kenê. Roja ma de sere de Kurdistan Rojakewtêna Mîyanêne de her ca de îqtîdarê ke rêça Yezîdî de yê şaran rê zulm kenê. Faşîzmê AKP-MHP’yî zî ma vînenê ke sey Yezîdî  Kurdan rê zulm kenê û  bi waştişê îşxalkerdişê herra Kurdistanî hêriş kenê.  Kurdistan, Tirkîya û Sûrîye de ma vînenê ke şarê ke hedef yenê girewtene înan ra yew zî Elewî yê. Nê semedî ra ganî Elewî rêça Îmam Huseyîn de vera Yezîdanê roja ma de xoverdayîş xurt bikerê. Reyna ma bawerî kenê ke Muslumanê Şîî zî vera heme zalîman xover danê.Ma veng danê heme gananê ke wa vera zaliman xoverdayîşî xurt bikerê.‘‘