KCKyî bi eşkerayîyêka nuştekî parlamentero verên yê HDPyî Îbrahîm Ayhanî rê serweşîye waşt.

KCKyî vist vîr ke waya Ayhanî 'Hemra Riha' zî serra 1995î de Warê Pawitişê Medya de şehîd bîya û wina domna: "Îbrahîm Ayhan rêçê şehîdan de seba ke têkoşînê azadîya şarî biresno serkewtişî, zaf xover da. Seba ke rayberîya têkoşînî kerdêne, dagîrkeran parlamenterîya ey betal kerd û badê zî Ayhan mecbûr mend welat terk kerd. Ayhan qezaya Sêwregi ya Riha de xoverdayîşê azadîye de sey leteyêk tekoşînî ca girewt. Ma do Îbrahîm Ayhanî mêyanê xoverdayîşê azadîye de bidê cuyayene."