KCKyî ra derheqê weçînayîşanê Srî Lanka de eşkerayîye
Komîteya Têkilîyanê Teberî ya KCKyî pare kerd ke girîng o ke hêzê sosyalîst-çepgîrî weçînayîşan de ser kewtê û ê paştî danê têkoşînê azadîye yê şaran û cinîyanê Srî Lanka.
KOMÎTEYA TÊKILÎYANÊ TEBERÎ YA KCKÎ
Komîteya Têkilîyanê Teberî ya KCKyî derheqê weçînayîşanê Srî Lanka de eşkerayîyêke daye. Eşkerayîye wina ya:
''Şarê Srî Lanka 2022 de serekkomaro tedakar Gotabaya Rajapaska şawit û pêro şaranê dinya rê bi îlham. Şarê Srî Lanka vera îdareyanê tedakaran ê bînan zî heman tewir mojna û bi weçînayîşanê demokratîkan serfîrazîya xo îlan kerde. Nê tewirê Srî Lanka dîktatorî tersnayî û şaranê bindestan rê bîyo çimeyê îlhamî.
Îsbat bîyo ke weçînayîşan de stratejîya hêzanê demokrasîyî û şorişgêran çendek dîyarker a. A raşte perspektîfê Neteweya Demokratîke û Xoserîya Demokratîke seba şaran û çareserîya pêro meseleyan formulêkî pêşkêş kena.
Girîng o ke weçînayîşanê Srî Lanka de serkêşîya cinî û ciwanan de hêzê sosyalîst û çepgîrî yê sey AKD (Anura Kumara Dissanayaka), NPP (Hêzê Şarî yo Neteweyî) ser kewtê. Ma nînan fîraz kenê. Sey Têgêrayîşê Azadîye yê Kurdîstanî ma serkewtişê têkoşînê azadîye û demokrasîyî yê şaranê Srî Lanka girîng vînenê û esasê azadîgîrîya cinîyan, demokrasî û ekolojî de paştî danê têkoşînê nînan.''
