Komîteya Şarî û Bawerîyan a KCKyî bi eşkerayîyêka nuştekîye Roşanê Noelî yê alemê xirîstîyanan fîraz kerd.

Eşkerayîya KCKyî wina ya: "Ma Roşanê Noelî yê alêmê xirîstîyanan fîraz kenê. Ma hêvîdar ê ke serra 2020î do haştîye û aramîye bîyara pêro merdimîye. Rojhelato Mîyanên cayê awanbîyayîş û geşbîyayîşê xirîstîyanîye yo la ewro her cayê ci de şer esto. Tay kesî dînê Îslamî îstîsmar kenê û şarê xirîstîyanan ê Rojhelatê Mîyanênî kenê hedef. Nê şerî de tewr zê dewleta tirke cerganê xo reyde hêrişê kurdîstanijan kena.Serra 2019î de hêrişanê qirkeran ê dewleta tirke de tewr zêde şarê ma yê Serêkanîyê û Girê Sipî dej ant. Dewleta tirke ya qirkere xirîstîyananê Rojawanî zî tede seba pêro şaran tehlûkeyêk a. No îqtîdar têna dişmenîya şarê xirîstîyanan nêkeno. No îqtîdar dişmenîya êzidîyan, elewîyan û pêro bawerîyan keno. Vera nê hêrişan ganî pêro bawerîyî xeta neteweya demokratîke ser o yewîya xo awan bike.Şarê ma yê sûryanan û armenan ê Rojawanî sere de ma Roşanê Noelî yê pêro alemê xirîstîyanan fîraz kenê. Ma hêvîdar ê ke serra 2020î do biba serra ke xirabîye xelas biba û têkoşînê neteweya demokratîke ser bikewo."