Hemserekîya Konseya Rayberdişî ya KCKyî  bi eşkerayîyêk seba ke YNKyî kongreya xo ya 4. viraşte înan rê  serkewtiş waşt û nê pare kerdî:

''YNKyî kongreya xo ya 4. bi serkewtişî viraşte û îdareyo newe vîjna. Ma bawer kenê ke qerarê ke kongre de ameyî girewtene do têkoşînê azadîye û demokrasyîyî yê kurdan rê netîceyanê bixeyr bîyarî. Ma îdereyo newe rê serkewtiş wazenê.

YNK têgêrayîşêko sîyasî yo ke têkoşînê demokrasî û azadîye yê kurdan de cayê ci yo muhîm esto. YNK yo ke bi fîkranê rayberanê erjayeyan Îbrahîm Ahmet û Celal Talabanî karekterê xo girewt têkoşînê azadîye yê kurdan rolêko muhîm geno. Rayber Apoyî bi rayberanê sîyasîyanê erjayeyan Ahmet û Talabanî çarçeweya way/biratîya kurdan de tekîlîya dostîye aver berdê û no zî semedê têkoşînê kurdan gameka muhîme bî. Na tekîlîya ke zaf bîye bimana û erje ci yo sîyasî esto Kurdîstan de nimûneyê tradîsyonê sîyasîyî afernayo. Ma sey Têgêrayîşê Azadîye yê Kurdan tim bi nê zanayîşî têgêrênê. No dewro ke Iraq û heme Rojhelatê Mîyanênî de qewimîyayîşê sîyasîkî yê muhîmî estî viraştişê kongreyê YNKyî gamêka tarîxî ya. Ma bawer kenê ke qerarê ke kongre de ameyî girewtene do têkoşînê azadîye û demokrasyîyî yê kurdan rê netîceyanê bixeyr bîyarî. Ma heme camîaya YNKyî rê serkewtiş wazenê.''