Hemserekîya Konseya Rayberdişî ya KCKyî qurbanê Qirkerdişê Helebçe serrgêra 37ine de bi rêzî yad kerdî û hêzê qirkerî şermezar kerdî. Eşkerayîya KCKyî wina ya:

‘’Kurdîstan de rojanê tewr giranan û dejan ra yew zî roja Qirkerdişê Helebçe ya. Netîceya nê qirkerdişê bi çekanê kîmyewîyan de bi hezaran kurdî ameyî qetilkerdene. Ma nê qirkerdişî yê rejîmê Saddamî yê zalimî bi tûjî şermezar kenê, qurbanan bi rêzî yad kenê. Şexsê şehîdan de ma soz danê ke vîrameyîşanê înan bipawê.

Qirkerdişê Helebçe tarîxê merdimatîye de zî qirkerdişanê tewr barbaran ra yew. Tewr tay panc hezar kurdî bi çekanê kîmyewîyan ameyî qetilkerdene ke zafê înan doman û cinîyî bîyê. Verê nê qirkerdişî de pêro dewletan xo kerd kerr û lal. Hêzanê modernîteya kapîtalîste verê nê qirkerdişî de tewirêko cidî nêmojna û seba ke kurdî ancî nêrê qirkerdene tedbîrêk zî nêgirewt. Eksê ney polîtîkayê qirkerdişê kurdan berdewam ê û xemê nînan de nîyê. Qirkerdişê Helebçe qirkerdişêkê sîstemê dewletperestî yê kapîtalîstî yo.

Seba ke no qirkerdişê vera kurda vera şaranê bînan zî nêro kerdene û haştîye û azadîye bêrê Kurdîstan, Rojhelatê Mîyanênî û pêro dinya Rayber Apoyî têkoşînêk 50 serrî verî dabi destpêkerdene. Vengdayîşê ‘Haştîye û Komelê Demokratîkî’ yê Rayber Apoyî safhayêka bîne ya nê têkoşînî yo. Seba ke peynîya qirkerdişan bêra; Kurdîstan, Rojhelatê Mîyanênî û dinya de cuya azade û têdûşte bêra awankerdene ganî vengdayîşê Rayber Apoyî bêro caardene. Têkoşînê nê bingeyî ser erk û mesuldarîyêka tarîxî yo.’’