Hemserekîya Konseya Rayberdişî ya KCKyî bi wesîleya sergêra Komployê 9ê Teşrîna Verêne yê vera Rayberê Şarê Kurdî Abdulah Ocalanî de eşkerayîye daye. KCKyî şexsê şehîdanê 'Şima nêeşkenê tîja ma tarî bikerî'de heme şehîdanê ke semedê pûçvetişê komployî tekoşîn kerd yad kerdî.

Eşkerayîye de nê ameyî parekerdene: ''Bi nê komployî tasfîyekerdişê têgêrayîşê ma amebi hedefkerdene. Tewr kiştiş û îdamê Rayber Apoyî zî amebi plankerdene la şehîdanê 'Şima nêeşkenî tîja ma tarî bikerî' verê plananê înan girewt. Wezîrê Tekîlîyanê Teberî yê Amerîka yê o wextî Madeleine Albrightî semedê wayrîvejîyayîşê şarî bi vatişe; 'ma hende nêpawitêne' şaşbîyayîşê xo ramojnabi. Xoverdayîşê prosesê komployî û şehîdanê ma na xeta têkoşînî afernaye ke 22 serrî yo şarê ma û gerîla na xete de bi tewirêkê fedaîyî xover dano. Rayber Apo pawitişê xo yê tewr pîlî de vano ke kompleyê girdî averşîyayîşan nêvindarnene, kenê leze.

Senî ke 1998î de bi nê komployî ame waştene ke verê Têgêrayîşê Azadîye yê ma bêro girewtene, ewro zî vera ma komployêk newe esto. Sey vizêrî ewro zî peyê komployî de Amerîka esta. Dewleta tirka faşîste û hemkarîya kurde wazenê Şerê Dinya yo 3ine ke Rojhelatê Mîyanênî de yeno rayberdene de, polîtîkaya Amerîka a îstîfede bikerî û têgrayîşê ma tesfîye bikerê. Komlokarê ke ewro hîna zehîfê  la goreyê 1998î wayîrê mutefîkanê zafan ê. Hetê bînî ra seba ke mabênê komplokaran de tay cîyayîye estê, na rewşe înan kena zehîf. Têgêrayîşê Azadîye yê ma bi hêzo ke çar leteyanê Kurdîstanî de kurdan ra geno û bi paştîdayîşê hêzanê demokratîkan ê mîyanneteweyî vera komplokaran têkoşînê xo berzêr kerdo.

Ewro averşîyayîşê Kurdîstan, Tirkîya, Rojhelatê Mîyanênî û Dinya avantajan û îmkananê pîlan ma rê teqdîm keno ke komlokarî bêrê binkerdene. Coka hemleya ma ''Tecrîd, Faşîzm, Îşxalî rê Bes o, Wext Wextê Azadîye yo'' ya ke me 12ê êlule de daye destpêkerdene, do bibo hemleya tarîxî yê têkoşînî. Dekewtişê Serra 23ine ya Komployê Mîyanneteweyî de Înîsîyatîfe Ocalanî rê Azadîye 10ê teşrîna verêne sey '10ê Teşrîna Verêne Roja Abdullah Ocalanî rê Azadîya Globale' îlan kerd. Coka eke na roje her kes vejîyo meydanan, no semedê azadîye Rayber Apoyî do averşîyayîşanê muhîman biaferno. Na çarçewe de ma înîsîyatîfî selam kenê û veng danê ke wa her kes vejîyo kuçeyan, meydanan pirr bikero ke wa bêrê Îmaliyî bêrê şikitene.''