Hemserekîya Konseya Rayberdişî ya KCKyî bi wesîleya 8ê Adare Roja Cinîyan ê Kedkeran ê Dinya eşkerayîyêke daye. KCKyî roja cinîyan bimbarek kerd û  nê pare kerdî:

''Kolonî û zext serê cinîyan de ame destpêkerdene, xorîkerdene û hîrakerdene. Çoka azadîye û demokrasî zî bi azadîya cinîyan bênê. Heta ke rolê cinîyano  girîng nêro famkerdene heme têkoşînê azadîye û demokrasîyî kêm manenê. Heme warê cuya komelkî de ganî raştîya cinîyan bêro naskerdene. Rayber Apoyî mîyanê tarîxê komelî de cayo girîn ê cinîyan dî, naye ser vindert û fikro azad û afernayeyî de resa serpilik.

Rayber Apoyî kalmeyo verên da girêkorê komelkîyî ro

Rayber Apoyî bi îdeolojîya azadîye ya cinîyan kalmeyo verên da girêkorê  komelkîyî ro û vernîya heme meseleyanê komelkîyan akerde. Bi vatişê azadîya cinîyan azadîya sinifkî û neweweyî ra hîna girîng a zî no îfade kerdo. Rayber Apo afernayoxê îdeolojîya azadîye ya cinîyan o. Bi keda Rayber Apoyî rayberîya cinîyan de Kurdîstan de şorişêko komelkî û demokratîke qewimîya. Şexsê cinîyan de komel bedilîya û xo  aver berd. Têkoşînê azadîye yê Kurdîstanî de zanayîşê demokrasî û azadîye bi xurt. Seba ke nê şorişî de reng û ruhê cinîyan esto weina  bi gird  û hêz girewt.

Ganî bi tewirê Sarayan têkoşîn bêro gidkerdene

Serra 2019î hetê têkoşînê azadîye yê cinîyan ra xurt ravêrte. Her cayê dinya de ciniyî wiriştê payan ser. Nê zî ramoj na ke emser do têkoşînê cinîyan girdêr bo û naye zî ters fîna zerîya sîstemê camêrd-dewlete. 8ê Adare de ma veng danê cinîyan ke wa têkoşînê xo yê vera modernîteya kapîtalîste xurtêr bikerê. Na çarçewe de ma vanê wa biciwîyo tekoşînê azadîya yê cinîyan û heme cinîyanê ke serra 2020 de rêça Rayber Apoyî de bi tewirê Sara têkoşînê azadîye yê komelkî rayra benê înan rê serkewtiş wazenê.''