Kerkûk de qedexeyê dekewtiş û vejîyayîşî reyna ame qedexekerdene
Masaya Krîzî ya şaristanê Kerkûkî reya çarine bira dergkerdişê wextê qedexeyê dekewtiş û vejîyayîşî daye. Heta destpêkê ramazanî qedexe do dewam bikero.
Vizêr şan endamanê Masaya Krîzî ya Kerkûkî seba xopawitişê vera vîrusê Korona eşkerayîyêke daye. Eşkerayîye de ame vatene ke qedexeyo nikayên ê şaristanî heta 24ê menge ame dergkerdene ke no zî beno destpêkê menga ramazanî. Eşkerayîye wina dewam kena: ''Market, dikanê sebze û meyweyan rojane 2 saetan akerde bibê.''
Destpêkê nêweşîya vîrusê Korona ra heta nika şaristanê Kerkûkî de 31 kesî nêweş kewtî, 19 kesî weş bîyî û 2 kesan zî dinyaya xo bedilnaye. Hûmara kesanê ke Kerkûk de pê vîrusî kewtî 10 a.
