Kuçeyê Kûdûsî yê merkezê Kerkûkî de bînşewe têdima xeylî teqayîşî ameyî meydan.

Goreyê Mudirîya polîsanê Kerkûkî 5 teqayîşî bîyî û înan ra hîrê teqayîşî merkezê Şîîyan û cayo ke her tim sixletî  yo Şeraa Kûdûs de, di teqayîşî zî kuçeyê Bagda de ameyî meydan. Ame vatene ke teqayîşan ra hîrê hebî bi bombayanê ke cuwa ver ameyî bicakerdene, di hebî zî bi wesayîtanê bomba barkerdeyan ameyî meydan. Netîceyê teqayîşan de tewr tay 5 kesî merdî û 18 kesî bîyî birîndar. Birîndarî nêweşxaneyenê cîya cîyayan ê Kerkûkî de yenê dermankerdene. Goreyê çimeyanê cayîyan şeş teqayîşî ameyî meydan. Hetê bînî ra yeno vatene ke dimayê teqayîşanê Kerkûkî qezayanê Dagog û Dîbîzî de pêkewtişan dest pêkerd.