Dewa Edlîye ya qezaya Yaycî ya Kerkûkî de vizêr wexto ke domanan kay kerdêne bombayêke teqaye. Goreyê agahîyanê ke çimeyêkê asayîşî dayê, wexto ke domanan cayê çopan de kay kerdêne adir vist ta û bomba bi nê hawayî teqaye.

Goreyê heman çimeyî netîceya teqayîşî de di domanan dinyaya xo bedilnaye û 2 domanî zî birîndar bîyî.  Teqayîşî ra dima hêzanê asayîşî cayê serebûtî de cigêrayîş da destpêkerdene.